Atharvaveda — Book 9. in English
A collection of hymns, prayers, charms, and ritual verses in twenty books. Translation: Ralph T.H. Griffith (1895-1896).
English translation from the cited public-domain edition. Devanagari may be generated from aligned IAST; verify recensional details before ritual use. Study meanings in the interactive app are derived from the English and are not traditional Sanskrit commentary.
- Atharvaveda 9.1: Hymn 1. A glorification of the Asvins' whip and a prayer for blessings
- Atharvaveda 9.2: Hymn 2. A glorification of Kāma as God of desire of all that is good
- Atharvaveda 9.3: Hymn 3. On the consecration of a newly built house
- Atharvaveda 9.4: Hymn 4. A glorification of the typical sacrificial bull
- Atharvaveda 9.5: Hymn 5. A glorification of a sacrificial goat
- Atharvaveda 9.6: Hymn 6. A glorification of hospitable reception of guests
- Atharvaveda 9.7: Hymn 7. A glorification of the typically bull and cow
- Atharvaveda 9.8: Hymn 8. A charm for the cure of various diseases connected with Consumption
- Atharvaveda 9.9: Hymn 9. Enunciation of mystico-theological and cosmological doctrine
- Atharvaveda 9.10: Hymn 10. Continuation of Hymn 9
Atharvaveda 9.1 — Hymn 1. A glorification of the Asvins' whip and a prayer for blessings
1. The Asvins' Honey-whip was born from heaven and earth, from middle air, and ocean, and from fire and wind. All living creatures welcome it with joyful hearts, fraught with the store of Amrit it hath gathered up.
2. They call thee earth's great strength in every form, they call thee too the ocean's genial seed. Whence comes the Honey-whip bestowing bounty, there Vital Spirit is, and Amrit treasured.
3. In sundry spots, repeatedly reflecting, men view upon the earth: her course and action; For she, the first-born daughter of the Maruts, derives her origin from Wind and Agni.
4. Daughter of Vasus, mother of Ādityas, centre of Amrit breath of living creatures. The Honey-whip, gold-coloured, dropping fatness, moves as a mighty embryo 'mid mortals.
5. The deities begat the Whip of Honey: her embryo assumed all forms and fashions. The mother nourishes that tender infant which at its birth looks on all worlds and beings.
6. Who understandeth well, who hath perceived it, her heart's un- injured Soma-holding beaker? Let the wise Brāhman priest therein be joyful.
7. He understandeth them, he hath perceived them, her breasts that pour a thousand streams, uninjured. They unreluctantly yield strength and vigour.
8. She who with voice upraised in constant clamour, mighty, life- giving, goes unto her function, Bellowing to the heated three libations, suckles with streams of milk, and still is lowing.
9. On whom, well-fed, the Waters wait in worship, and steers and self-refulgent bulls attend her. For thee, for one like thee down pour the Waters, and cause desire and strength to rain upon thee.
10. The thunder is thy voice, O Lord of Creatures: a Bull, thou castest on the earth thy vigour. The Honey-whip, the Manus' first-born daughter, derives her origin from Wind and Agni.
11. As at the morning sacrifice the Asvins twain love Soma well, Even so may both the Asvins lay splendour and strength within my soul.
12. As at the second sacrifice Indra and Agni love him well, Let the pair, Indra Agni, lay splendour and strength within my soul.
13. As at third sacrifice Soma is the Ribhus' well-beloved one, Even so may they, the Ribhus, store splendour and strength within my soul.
14. Fain would I bring forth sweetness, fain would make it mine. Bringing milk, Agni! have I come: splendour and strength bestow on me!
15. Grant me, O Agni, splendid strength, and progeny, and length- ened life. May the Gods know me as I am, may Indra with the Rishis know.
16. As honey-bees collect and add fresh honey to their honey store, Even so may both the Asvins lay splendour and strength within my soul.
17. As over honey flies besmear this honey which the bees have made, So may both Asvins lay in me splendour and strength and power and might.
18. May all the sweetness that is found in hills and mountains, steeds and kine, And wine that floweth from the cup,—may all that sweetness be in me.
19. May both the Asvins, Lords of Light, balm me with honey of the bees, That I may speak among the folk words full of splendour and of strength.
20. The thunder is thy voice, O Lord of Creatures: a Bull, thou castest strength on earth and heaven. To that all cattle look for their existence: with this she nourishes their force and vigour.
21. The Whip itself is Heaven, Earth is the handle, the point of juncture is the Air's mid-region. The lash is lightning, and the tip is golden.
22. Whoever knows the Whip's seven kinds of honey, becomes himself a man endowed with sweetness. Brāhman and King, the draught-ox and the milch-cow, barley and rice, and honey is the seventh.
23. Sweet is the man, sweet are his goods and chattels: he who knows this conquers the worlds of sweetness.
24. The thundering of Prajāpati in heaven is verily manifest to living creatures. Therefore I stand from right to left invested, and, O Prajāpati, I cry, regard me! The man who hath this knowledge is regarded by living beings and the Lord of Creatures.
Sanskrit and transliteration
Sanskrit
1. दिवस् पृथिव्या अन्तरिक्षात् समुद्राद् अग्नेर् वातान् मधुकशा हि जज्ञे । तां चायित्वामृतं वसानां हृद्भिः प्रजाः प्रति नन्दन्ति सर्वाः ॥1॥ 2. महत् पयो विश्वरूपम् अस्याः समुद्रस्य त्वोत रेत आहुः । यत ऐति मधुकशा रराणा तत् प्राणस् तद् अमृतं निविष्टम् ॥2॥ 3. पश्यन्त्य् अस्याश् चरितं पृथिव्यां पृथङ् नरो बहुधा मीमांसमानाः । अग्नेर् वातान् मधुकशा हि जज्ञे मरुताम् उग्रा नप्तिः ॥3॥ 4. मातादित्यानां दुहिता वसूनां प्राणः प्रजानाम् अमृतस्य नाभिः । हिरण्यवर्णा मधुकशा घृताची महान् भर्गश् चरति मर्त्येषु ॥4॥ 5. मधोः कशाम् अजनयन्त देवास् तस्या गर्भो अभवद् विश्वरूपः । तं जातं तरुणं पिपर्ति माता स जातो विश्वा भुवना वि चष्टे ॥5॥ 6. कस् तं प्र वेद क उ तं चिकेत यो अस्या हृदः कलशः सोमधानो अक्षितः । ब्रह्मा सुमेधाः सो अस्मिन् मदेत ॥6॥ 7. स तौ प्र वेद स उ तौ चिकेत याव् अस्याः स्तनौ सहस्रधाराव् अक्षितौ । ऊर्जं दुहाते अनपस्फुरन्तौ ॥7॥ 8. हिङ्करिक्रती बृहती वयोधा उच्चैर्घोषाभ्येति या व्रतम् । त्रीन् घर्मान् अभि वावशाना मिमाति मायुं पयते पयोभिः ॥8॥ 9. याम् आपीनाम् उपसीदन्त्य् आपः शाक्वरा वृषभा ये स्वराजः । ते वर्षन्ति ते वर्षयन्ति तद्विदे कामम् ऊर्जम् आपः ॥9॥ 10. स्तनयित्नुस् ते वाक् प्रजापते वृषा शुष्मं क्षिपसि भूम्याम् अधि । अग्नेर् वातान् मधुकशा हि जज्ञे मरुताम् उग्रा नप्तिः ॥10॥ {1} 11. यथा सोमः प्रातःसवने अश्विनोर् भवति प्रियः । एवा मे अश्विना वर्च आत्मनि ध्रियताम् ॥11॥ 12. यथा सोमो द्वितीये सवन इन्द्राग्न्योर् भवति प्रियः । एवा म इन्द्राग्नी वर्च आत्मनि ध्रियताम् ॥12॥ 13. यथा सोमस् तृतीये सवन ऋभूणां भवति प्रियः । एवा म ऋभवो वर्च आत्मनि ध्रियताम् ॥13॥ 14. मधु जनिषीय मधु वंसिषीय । पयस्वान् अग्न आगमं तं मा सं सृज वर्चसा ॥14॥ 15. सं माग्ने वर्चसा सृज सं प्रजया सम् आयुषा । विद्युर् मे अस्य देवा इन्द्रो विद्यात् सह ऋषिभिः ॥15॥ 16. यथा मधु मधुकृतः संभरन्ति मधाव् अधि । एवा मे अश्विना वर्च आत्मनि ध्रियताम् ॥16॥ 17. यथा मक्षाः इदं मधु न्यञ्जन्ति मधाव् अधि । एवा मे अश्विना वर्चस् तेजो बलम् ओजश् च ध्रियताम् ॥17॥ 18. यद् गिरिषु पर्वतेषु गोष्व् अश्वेषु यन् मधु । सुरायां सिच्यमानायां यत् तत्र मधु तन् मयि ॥18॥ 19. अश्विना सारघेण मा मधुनाङ्क्तं शुभस् पती । यथा वर्चस्वतीं वाचम् आवदानि जनां अनु ॥19॥ 20. स्तनयित्नुस् ते वाक् प्रजापते वृषा शुष्मं क्षिपसि भूम्यां दिवि । तां पशव उप जीवन्ति सर्वे तेनो सेषम् ऊर्जं पिपर्ति ॥20॥ 21. पृथिवी दण्डो ऽन्तरिक्षं गर्भो द्यौः कशा विद्युत् प्रकशो हिरण्ययो बिन्दुः ॥21॥ 22. यो वै कशायाः सप्त मधूनि वेद मधुमान् भवति । ब्राह्मणश् च राजा च धेनुश् चानड्वांश् च व्रीहिश् च यवश् च मधु सप्तमम् ॥22॥ 23. मधुमान् भवति मधुमद् अस्याहार्यं भवति । मधुमतो लोकान् जयति य एवं वेद ॥23॥ 24. यद् वीध्रे स्तनयति प्रजापतिर् एव तत् प्रजाभ्यः प्रादुर् भवति । तस्मात् प्राचीनोपवीतस् तिष्ठे प्रजापते ऽनु मा बुध्यस्वेति । अन्व् एनं प्रजा अनु प्रजापतिर् बुध्यते य एवं वेद ॥24॥ {2}
Transliteration
1. divas pṛthivyā antarikṣāt samudrād agner vātān madhukaśā hi jajñe | tāṃ cāyitvāmṛtaṃ vasānāṃ hṛdbhiḥ prajāḥ prati nandanti sarvāḥ ||1|| 2. mahat payo viśvarūpam asyāḥ samudrasya tvota reta āhuḥ | yata aiti madhukaśā rarāṇā tat prāṇas tad amṛtaṃ niviṣṭam ||2|| 3. paśyanty asyāś caritaṃ pṛthivyāṃ pṛthaṅ naro bahudhā mīmāṃsamānāḥ | agner vātān madhukaśā hi jajñe marutām ugrā naptiḥ ||3|| 4. mātādityānāṃ duhitā vasūnāṃ prāṇaḥ prajānām amṛtasya nābhiḥ | hiraṇyavarṇā madhukaśā ghṛtācī mahān bhargaś carati martyeṣu ||4|| 5. madhoḥ kaśām ajanayanta devās tasyā garbho abhavad viśvarūpaḥ | taṃ jātaṃ taruṇaṃ piparti mātā sa jāto viśvā bhuvanā vi caṣṭe ||5|| 6. kas taṃ pra veda ka u taṃ ciketa yo asyā hṛdaḥ kalaśaḥ somadhāno akṣitaḥ | brahmā sumedhāḥ so asmin madeta ||6|| 7. sa tau pra veda sa u tau ciketa yāv asyāḥ stanau sahasradhārāv akṣitau | ūrjaṃ duhāte anapasphurantau ||7|| 8. hiṅkarikratī bṛhatī vayodhā uccairghoṣābhyeti yā vratam | trīn gharmān abhi vāvaśānā mimāti māyuṃ payate payobhiḥ ||8|| 9. yām āpīnām upasīdanty āpaḥ śākvarā vṛṣabhā ye svarājaḥ | te varṣanti te varṣayanti tadvide kāmam ūrjam āpaḥ ||9|| 10. stanayitnus te vāk prajāpate vṛṣā śuṣmaṃ kṣipasi bhūmyām adhi | agner vātān madhukaśā hi jajñe marutām ugrā naptiḥ ||10|| {1} 11. yathā somaḥ prātaḥsavane aśvinor bhavati priyaḥ | evā me aśvinā varca ātmani dhriyatām ||11|| 12. yathā somo dvitīye savana indrāgnyor bhavati priyaḥ | evā ma indrāgnī varca ātmani dhriyatām ||12|| 13. yathā somas tṛtīye savana ṛbhūṇāṃ bhavati priyaḥ | evā ma ṛbhavo varca ātmani dhriyatām ||13|| 14. madhu janiṣīya madhu vaṃsiṣīya | payasvān agna āgamaṃ taṃ mā saṃ sṛja varcasā ||14|| 15. saṃ māgne varcasā sṛja saṃ prajayā sam āyuṣā | vidyur me asya devā indro vidyāt saha ṛṣibhiḥ ||15|| 16. yathā madhu madhukṛtaḥ saṃbharanti madhāv adhi | evā me aśvinā varca ātmani dhriyatām ||16|| 17. yathā makṣāḥ idaṃ madhu nyañjanti madhāv adhi | evā me aśvinā varcas tejo balam ojaś ca dhriyatām ||17|| 18. yad giriṣu parvateṣu goṣv aśveṣu yan madhu | surāyāṃ sicyamānāyāṃ yat tatra madhu tan mayi ||18|| 19. aśvinā sāragheṇa mā madhunāṅktaṃ śubhas patī | yathā varcasvatīṃ vācam āvadāni janāṃ anu ||19|| 20. stanayitnus te vāk prajāpate vṛṣā śuṣmaṃ kṣipasi bhūmyāṃ divi | tāṃ paśava upa jīvanti sarve teno seṣam ūrjaṃ piparti ||20|| 21. pṛthivī daṇḍo 'ntarikṣaṃ garbho dyauḥ kaśā vidyut prakaśo hiraṇyayo binduḥ ||21|| 22. yo vai kaśāyāḥ sapta madhūni veda madhumān bhavati | brāhmaṇaś ca rājā ca dhenuś cānaḍvāṃś ca vrīhiś ca yavaś ca madhu saptamam ||22|| 23. madhumān bhavati madhumad asyāhāryaṃ bhavati | madhumato lokān jayati ya evaṃ veda ||23|| 24. yad vīdhre stanayati prajāpatir eva tat prajābhyaḥ prādur bhavati | tasmāt prācīnopavītas tiṣṭhe prajāpate 'nu mā budhyasveti | anv enaṃ prajā anu prajāpatir budhyate ya evaṃ veda ||24|| {2}
Unaccented IAST transliteration from GRETIL's Atharvaveda-Samhita, Shaunaka recension. Devanagari is generated from that IAST text.
Atharvaveda 9.2 — Hymn 2. A glorification of Kāma as God of desire of all that is good
1. Kāma the Bull, slayer of foes, I worship with molten butter, sacrifice, oblation. Beneath my feet cast down mine adversaries with thy great manly power, when I have praised thee.
2. That which is hateful to mine eye and spirit, that harasses and robs me of enjoyment, The evil dream I loose upon my foemen. May I rend him when I have lauded Kāma.
3. Kāma, do thou, a mighty Lord and Ruler, let loose ill dream, misfortune, want of children, Homelessness, Kāma! utter destitution, upon the sinner who designs my ruin.
4. Drive them away, drive them afar, O Kāma; indigence fall on those who are my foemen! When they have been cast down to deepest darkness, consume their dwellings with thy fire, O Agni.
5. She, Kāma! she is called the Cow, thy daughter, she who is named Vāk and Virāj by sages. By her drive thou my foemen to a distance. May cattle, vital breath, and life forsake them.
6. By Kāma's might, King Varuna's and Indra's, by Vishnu's strength, and Savitar's instigation, I chase my foes with sacrifice to Agni, as a deft steersman drives his boat through waters.
7. May Kāma, mighty one, my potent warder, give me full free- dom from mine adversaries. May all the Deities be my protection, all Gods come nigh to this mine invocation.
8. Accepting this oblation rich with fatness, be joyful here, ye Gods whose chief is Kāma, Giving me freedom from mine adversaries.
9. Ye, Indra, Agni, Kāma! come together and cast mine adver- saries down beneath me. When they have sunk into the deepest darkness, O Agni, with thy fire consume their dwellings.
10. Slay those who are mine enemies, O Kāma: headlong to depth of blinding darkness hurl them. Reft be they all of manly strength and vigour! Let them not have a single day's existence.
11. Kāma hath slain those who were mine opponents, and given me ample room to grow and prosper. Let the four regions bow them down before me, and let the six expanses bring me fatness.
12. Let them drift downward like a boat torn from the rope that held it fast. There is no turning back for those whom our keen arrows have repelled.
13. Agni averts, Indra averts, and Soma: may the averting Gods avert this foeman.
14. To be avoided by his friends, detested, repelled, with few men round him, let him wander. Yea, on the earth descend the lightning-flashes: may the strong God destroy your adversaries.
15. This potent lightning nourishes things shaken, and things un- shaken yet, and all the thunders. May the Sun, rising with his wealth and splendour, drive in victorious might my foemen downward.
16. Thy firm and triply-barred protection, Kāma! thy spell, made weapon-proof extended armour With that drive thou my foemen to a distance. May cattle, vital breath, and life forsake them.
17. Far from the world wherein we live, O Kāma, drive thou my foemen with that selfsame weapon Wherewith the Gods repelled the fiends, and Indra cast down the Dasyus into deepest darkness.
18. As Gods repelled the Asuras, and Indra down to the lowest darkness drove the demons, So, Kāma, from this world, to distant places, drive thou the men who are mine adversaries.
19. First before all sprang Kāma into being. Gods, Fathers, mortal men have never matched him. Stronger than these art thou, and great for ever. Kāma, to thee, to thee I offer worship.
20. Wide as the space which heaven and earth encompass, far as the flow of waters, far as Agni, Stronger than these art thou, and great for ever. Kāma, to thee, to thee I offer worship.
21. Vast as the quarters of the sky and regions that lie between them spread in all directions, vast as celestial tracts and views of heaven, Stronger than these art thou, and great for ever. Kāma, to thee, to thee I offer worship.
22. Many as are the bees, and bats, and reptiles, and female serpents of the trees, and beetles, Stronger art thou than these, and great for ever. Kāma, to thee, to thee I offer worship.
23. Stronger art thou than aught that stands or twinkles, stronger art thou than ocean, Kāma! Manyu! Stronger than these art thou, and great for ever. Kāma, to thee, to thee I offer worship.
24. Not even Vāta is the peer of Kāma, not Agni, Chandramas the Moon, nor Sūrya. Stronger than these art thou, and great for ever. Kāma, to thee, to thee I offer worship.
25. Thy lovely and auspicious forms, O Kāma, whereby the thing thou wilt becometh real, With these come thou and make thy home among us, and make malignant thoughts inhabit elsewhere.
Sanskrit and transliteration
Sanskrit
1. सपत्नहनम् ऋषभं घृतेन कामं शिक्षामि हविषाज्येन । नीचैः सपत्नान् मम पदय त्वम् अभिष्टुतो महता वीर्येण ॥1॥ 2. यन् मे मनसो न प्रियं चक्षुषो यन् मे बभस्ति नाभिनन्दति । तद् दुष्वप्न्यं प्रति मुञ्चामि सपत्ने कामं स्तुत्वोद् अहं भिदेयम् ॥2॥ 3. दुष्वप्न्यं काम दुरितं च कमाप्रजस्ताम् अस्वगताम् अवर्तिम् । उग्र ईशानः प्रति मुञ्च तस्मिन् यो अस्मभ्यम् अंहूरणा चिकित्सात् ॥3॥ 4. नुदस्व काम प्र णुदस्व कामावर्तिं यन्तु मम ये सपत्नाः । तेषां नुत्तानाम् अधमा तमांस्य् अग्ने वास्तूनि निर् दह त्वम् ॥4॥ 5. सा ते काम दुहिता धेनुर् उच्यते याम् आहुर् वाचं कवयो विराजम् । तया सपत्नान् परि वृङ्ग्धि ये मम पर्य् एनान् प्राणः पशवो जीवनं वृणक्तु ॥5॥ 6. कामस्येन्द्रस्य वरुणस्य राज्ञो विष्णोर् बलेन सवितुः सवेन । अग्नेर् होत्रेण प्र णुदे सपत्नां छम्बीव नावम् उदकेषु धीरः ॥6॥ 7. अध्यक्षो वाजी मम काम उग्रः कृणोतु मह्यम् असपत्नम् एव । विश्वे देवा मम नाथं भवन्तु सर्वे देवा हवम् आ यन्तु म इमम् ॥7॥ 8. इदम् आज्यं घृतवज् जुषाणाः कामज्येष्ठा इह मादयध्वम् । कृण्वन्तो मह्यम् असपत्नम् एव ॥8॥ 9. इन्द्राग्नी काम सरथं हि भूत्वा नीचैः सपत्नान् मम पादयाथः । तेषां पन्नानाम् अधमा तमांस्य् अग्ने वास्तून्य् अनुनिर्दह त्वम् ॥9॥ 10. जहि त्वम् काम मम ये सपत्ना अन्धा तमांस्य् अव पादयैनान् । निरिन्द्रिया अरसाः सन्तु सर्वे मा ते जीविषुः कतमच् चनाहः ॥10॥ {3} 11. अवधीत् कामो मम ये सपत्ना उरुं लोकम् अकरन् मह्यम् एधतुम् । मह्यं नमन्तां प्रदिशश् चतस्रो मह्यं षड् उर्वीर् घृतम् आ वहन्तु ॥11॥ 12. ते ऽधराञ्चः प्र प्लवन्तां छिन्ना नौर् इव बन्धनात् । न सायकप्रणुत्तानां पुनर् अस्ति निवर्तनम् ॥12॥ 13. अग्निर् यव इन्द्रो यवः सोमो यवः । यवयावानो देवा यवयन्त्व् एनम् ॥13॥ 14. असर्ववीरश् चरतु प्रणुत्तो द्वेष्यो मित्रानां परिवर्ग्यः स्वानाम् । उत पृथिव्याम् अव स्यन्ति विद्युत उग्रो वो देवः प्र मृणत् सपत्नान् ॥14॥ 15. च्युता चेयं बृहत्य् अच्युता च विद्युद् बिभर्ति स्तनयित्नूंश् च सर्वान् । उद्यन्न् आदित्यो द्रविणेन तेजसा नीचैः सपत्नान् नुदतां मे सहस्वान् ॥15॥ 16. यत् ते काम शर्म त्रिवरूथम् उद्भु ब्रह्म वर्म विततम् अनतिव्याध्यं कृतम् । तेन सपत्नान् परि वृङ्ग्धि ये मम पर्य् एनान् प्राणः पशवो जीवनं वृणक्तु ॥16॥ 17. येन देवा असुरान् प्राणुदन्त येनेन्द्रो दस्यून् अधमं तमो निनाय । तेन त्वं काम मम ये सपत्नास् तान् अस्माल् लोकात् प्र णुदस्व दूरम् ॥17॥ 18. यथा देवा असुरान् प्राणुदन्त यथेन्द्रो दस्यून् अधमं तमो बबाधे । तथा त्वं काम मम ये सपत्नास् तान् अस्माल् लोकात् प्र णुदस्व दूरम् ॥18॥ 19. कामो जज्ञे प्रथमो नैनं देवा आपुः पितरो न मर्त्याः । ततस् त्वम् असि ज्यायान् विश्वहा महांस् तस्मै ते काम नम इत् कृनोमि ॥19॥ 20. यावती द्यावापृथिवी वरिम्णा यावद् आपः सिष्यदुर् यावद् अग्निः । ततस् त्वम् असि ज्यायान् विश्वहा महांस् तस्मै ते काम नम इत् कृणोमि ॥20॥ {4} 21. यावतीर् दिशः प्रदिशो विषूचीर् यावतीर् आशा अभिचक्षणा दिवः । ततस् त्वम् असि ज्यायान् विश्वहा महांस् तस्मै ते काम नम इत् कृणोमि ॥21॥ 22. यावतीर् भृङ्गा जत्वः कुरूरवो यावतीर् वघा वृक्षसर्प्यो बभूवुः । ततस् त्वम् असि ज्यायान् विश्वहा महांस् तस्मै ते काम नम इत् कृणोमि ॥22॥ 23. ज्यायान् निमिषतो ऽसि तिष्ठतो ज्यायान्त् समुद्राद् असि काम मन्यो । ततस् त्वम् असि ज्यायान् विश्वहा महांस् तस्मै ते काम नम इत् कृनोमि ॥23॥ 24. न वै वातश् चन कामम् आप्नोति नाग्निः सूर्यो नोत चन्द्रमाः । ततस् त्वम् असि ज्यायान् विश्वहा महांस् तस्मै ते काम नम इत् कृणोमि ॥24॥ 25. यास् ते शिवास् तन्वः काम भद्रा याभिः सत्यं भवति यद् वृणिषे । ताभिष् ट्वम् अस्मां अभिसंविशस्वान्यत्र पापीर् अप वेशया धियः ॥25॥ {5}
Transliteration
1. sapatnahanam ṛṣabhaṃ ghṛtena kāmaṃ śikṣāmi haviṣājyena | nīcaiḥ sapatnān mama padaya tvam abhiṣṭuto mahatā vīryeṇa ||1|| 2. yan me manaso na priyaṃ cakṣuṣo yan me babhasti nābhinandati | tad duṣvapnyaṃ prati muñcāmi sapatne kāmaṃ stutvod ahaṃ bhideyam ||2|| 3. duṣvapnyaṃ kāma duritaṃ ca kamāprajastām asvagatām avartim | ugra īśānaḥ prati muñca tasmin yo asmabhyam aṃhūraṇā cikitsāt ||3|| 4. nudasva kāma pra ṇudasva kāmāvartiṃ yantu mama ye sapatnāḥ | teṣāṃ nuttānām adhamā tamāṃsy agne vāstūni nir daha tvam ||4|| 5. sā te kāma duhitā dhenur ucyate yām āhur vācaṃ kavayo virājam | tayā sapatnān pari vṛṅgdhi ye mama pary enān prāṇaḥ paśavo jīvanaṃ vṛṇaktu ||5|| 6. kāmasyendrasya varuṇasya rājño viṣṇor balena savituḥ savena | agner hotreṇa pra ṇude sapatnāṃ chambīva nāvam udakeṣu dhīraḥ ||6|| 7. adhyakṣo vājī mama kāma ugraḥ kṛṇotu mahyam asapatnam eva | viśve devā mama nāthaṃ bhavantu sarve devā havam ā yantu ma imam ||7|| 8. idam ājyaṃ ghṛtavaj juṣāṇāḥ kāmajyeṣṭhā iha mādayadhvam | kṛṇvanto mahyam asapatnam eva ||8|| 9. indrāgnī kāma sarathaṃ hi bhūtvā nīcaiḥ sapatnān mama pādayāthaḥ | teṣāṃ pannānām adhamā tamāṃsy agne vāstūny anunirdaha tvam ||9|| 10. jahi tvam kāma mama ye sapatnā andhā tamāṃsy ava pādayainān | nirindriyā arasāḥ santu sarve mā te jīviṣuḥ katamac canāhaḥ ||10|| {3} 11. avadhīt kāmo mama ye sapatnā uruṃ lokam akaran mahyam edhatum | mahyaṃ namantāṃ pradiśaś catasro mahyaṃ ṣaḍ urvīr ghṛtam ā vahantu ||11|| 12. te 'dharāñcaḥ pra plavantāṃ chinnā naur iva bandhanāt | na sāyakapraṇuttānāṃ punar asti nivartanam ||12|| 13. agnir yava indro yavaḥ somo yavaḥ | yavayāvāno devā yavayantv enam ||13|| 14. asarvavīraś caratu praṇutto dveṣyo mitrānāṃ parivargyaḥ svānām | uta pṛthivyām ava syanti vidyuta ugro vo devaḥ pra mṛṇat sapatnān ||14|| 15. cyutā ceyaṃ bṛhaty acyutā ca vidyud bibharti stanayitnūṃś ca sarvān | udyann ādityo draviṇena tejasā nīcaiḥ sapatnān nudatāṃ me sahasvān ||15|| 16. yat te kāma śarma trivarūtham udbhu brahma varma vitatam anativyādhyaṃ kṛtam | tena sapatnān pari vṛṅgdhi ye mama pary enān prāṇaḥ paśavo jīvanaṃ vṛṇaktu ||16|| 17. yena devā asurān prāṇudanta yenendro dasyūn adhamaṃ tamo nināya | tena tvaṃ kāma mama ye sapatnās tān asmāl lokāt pra ṇudasva dūram ||17|| 18. yathā devā asurān prāṇudanta yathendro dasyūn adhamaṃ tamo babādhe | tathā tvaṃ kāma mama ye sapatnās tān asmāl lokāt pra ṇudasva dūram ||18|| 19. kāmo jajñe prathamo nainaṃ devā āpuḥ pitaro na martyāḥ | tatas tvam asi jyāyān viśvahā mahāṃs tasmai te kāma nama it kṛnomi ||19|| 20. yāvatī dyāvāpṛthivī varimṇā yāvad āpaḥ siṣyadur yāvad agniḥ | tatas tvam asi jyāyān viśvahā mahāṃs tasmai te kāma nama it kṛṇomi ||20|| {4} 21. yāvatīr diśaḥ pradiśo viṣūcīr yāvatīr āśā abhicakṣaṇā divaḥ | tatas tvam asi jyāyān viśvahā mahāṃs tasmai te kāma nama it kṛṇomi ||21|| 22. yāvatīr bhṛṅgā jatvaḥ kurūravo yāvatīr vaghā vṛkṣasarpyo babhūvuḥ | tatas tvam asi jyāyān viśvahā mahāṃs tasmai te kāma nama it kṛṇomi ||22|| 23. jyāyān nimiṣato 'si tiṣṭhato jyāyānt samudrād asi kāma manyo | tatas tvam asi jyāyān viśvahā mahāṃs tasmai te kāma nama it kṛnomi ||23|| 24. na vai vātaś cana kāmam āpnoti nāgniḥ sūryo nota candramāḥ | tatas tvam asi jyāyān viśvahā mahāṃs tasmai te kāma nama it kṛṇomi ||24|| 25. yās te śivās tanvaḥ kāma bhadrā yābhiḥ satyaṃ bhavati yad vṛṇiṣe | tābhiṣ ṭvam asmāṃ abhisaṃviśasvānyatra pāpīr apa veśayā dhiyaḥ ||25|| {5}
Unaccented IAST transliteration from GRETIL's Atharvaveda-Samhita, Shaunaka recension. Devanagari is generated from that IAST text.
Atharvaveda 9.3 — Hymn 3. On the consecration of a newly built house
1. We loose the ties and fastenings of the house that holds all precious things, The bands of pillars and of stays, the ties of beams that form the roof.
2. All-wealthy House! each knot and band, each cord that is attached to thee I with my spell untie, as erst Brihaspati disclosed the cave.
3. He drew them close, he pressed them fast, he made thy knotted. bands secure: With Indra's help we loose them as a skilful Slaughterer severs joints.
4. We loose the bands of thy bamboos, of bolts, of fastening, of thatch, We loose the ties of thy side-posts, O House that holdest all we prize.
5. We loosen here the ties and bands of straw in bundles, and of clamps, Of all that compasses and binds the Lady Genius of the Home.
6. We loose the loops which men have bound within thee, loops to tie and hold. Be gracious, when erected, to our bodies, Lady of the Home.
7. Store-house of Soma, Agni's hall, the ladies' bower, the resi- dence, The seat of Gods art thou, O Goddess House.
8. We with our incantation loose the net that hath a thousand. eyes. The diadem, securely tied and laid upon the central beam.
9. The man who takes thee as his own, and he who was thy builder,. House! Both these, O Lady of the Home, shall live to long-extended' years.
10. There let her come to meet this man. Firm, strongly fastened,. and prepared Art thou whose several limbs and joints we part and loosen one by one.
11. He who collected timber for the work and built thee up, O House, Made thee for coming progeny, Prajāpati, the Lord Supreme.
12. Homage to him! We worship too the giver and the Mansion's lord: Homage to Agni! to the man who serves at holy rites for thee.
13. Homage to kine and steeds! to all that shall be born within the house We loose the bonds that fasten thee, mother of multitudes to come!
14. Agni thou shelterest within, and people with domestic beasts. We loose the bonds that fasten thee, mother of multitudes to come!
15. All space that lies between the earth and heaven, therewith I take this house for thy possession, And all that measures out the air's mid-region I make a hollow to contain thy treasures. Therewith I take the house for his possession.
16. Rich in prosperity, rich in milk, founded and built upon the earth, Injure not thy receivers, House who holdest food of every sort!'
17. Grass-covered, clad with straw, the house, like Night, gives rest to man and beast. Thou standest, built upon the earth, like a she-elephant, borne on feet.
18. I loosen and remove from thee thy covering formed by mats of reed. What Varuna hath firmly closed Mitra shall ope at early morn.
19. May Indra, Agni, deathless Gods, protect the house where Soma dwells, House that was founded with the prayer, built and erected by the wise.
20. Nest upon nest hath been imposed, compartment on compart- ment laid: There man shall propagate his kind, and there shall everything born.
21. Within the house constructed with two side-posts, or with four, or six. Built with eight side-posts, or with ten, lies Agni like a babe unborn.
22. Turned to thee, House! I come to thee, innocent, turned to welcome me: For Fire and Water are within, the first chief door of sacrifice.
23. Water that kills Consumption, free from all Consumption, here I bring. With Agni, the immortal one, I enter and possess the house.
24. Lay thou no cord or noose on us: a weighty burthen, still be light! Withersoever be our will, O House, we bear thee like a bride.
25. Now from the east side of the house to the Great Power be homage paid! Hail to the Gods whose due is Hail!
26. Now from the south side of the house, etc.
27. Now from the west side of the house, etc.
28. Now from the north side of the house, etc.
29. So from the mansion's every side to the Great Power be homage paid! Hail to the Gods whose due is Hail!
Sanskrit and transliteration
Sanskrit
1. उपमितां प्रतिमिताम् अथो परिमिताम् उत । शालाया विश्ववाराया नद्धानि वि चृतामसि ॥1॥ 2. यत् ते नद्धं विश्ववारे पाशो ग्रन्थिश् च यः कृतः । बृहस्पतिर् इवाहं बलं वाचा वि स्रंसयामि तत् ॥2॥ 3. आ ययाम सं बबर्ह ग्रन्थींश् चकार ते दृढान् । परूंषि विद्वां छस्तेवेन्द्रेण वि चृतामसि ॥3॥ 4. वंशानां ते नहनानां प्राणाहस्य तृणस्य च । पक्षाणां विश्ववारे ते नद्धानि वि चृतामसि ॥4॥ 5. संदंशानां पलदानां परिष्वञ्जल्यस्य च । इदं मानस्य पत्न्या नद्धानि वि चृतामसि ॥5॥ 6. यानि ते ऽन्तः शिक्यान्य् आबेधू रण्याय कम् । प्र ते तानि चृतामसि शिवा मानस्य पत्नि न उद्धिता तन्वे भव ॥6॥ 7. हविर्धानम् अग्निशालं पत्नीनां सदनं सदः । सदो देवानाम् असि देवि शाले ॥7॥ 8. अक्षुम् ओपशं विततं सहस्राक्षं विषूवति । अवनद्धम् अभिहितं ब्रह्मणा वि चृतामसि ॥8॥ 9. यस् त्वा शाले प्रतिगृह्णाति येन चासि मिता त्वम् । उभौ मानस्य पत्नि तौ जीवतां जरदष्टी ॥9॥ 10. अमुत्रैनम् आ गछताद् दृढा नद्धा परिष्कृता । यस्यास् ते विचृतामस्य् अङ्गमङ्गं परुष्परुः ॥10॥ {6} 11. यस् त्वा शाले निमिमाय संजभार वनस्पतीन् । प्रजायै चक्रे त्वा शाले परमेष्ठी प्रजापतिः ॥11॥ 12. नमस् तस्मै नमो दात्रे शालापतये च कृण्मः । नमो ऽग्नये प्रचरते पुरुषाय च ते नमः ॥12॥ 13. गोभ्यो अश्वेभ्यो नमो यच् छालायां विजायते । विजावति प्रजावति वि ते पाशांश् चृतामसि ॥13॥ 14. अग्निम् अन्तश् छादयसि पुरुषान् पशुभिः सह । विजावति प्रजावति वि ते पाशांश् चृतामसि ॥14॥ 15. अन्तरा द्यां च पृथिवीं च यद् व्यचस् तेन शालां प्रति गृह्णामि त इमाम् । यद् अन्तरिक्षं रजसो विमानं तत् कृण्वे ऽहम् उदरं शेवधिभ्यः । तेन शालां प्रति गृह्णामि तस्मै ॥15॥ 16. ऊर्जस्वती पयस्वती पृथिव्यां निमिता मिता । विश्वान्नं बिभ्रती शाले मा हिंसीः प्रतिगृह्णतः ॥16॥ 17. तृणैर् आवृता पलदान् वसाना रात्रीव शाला जगतो निवेशनी । मिता पृथिव्यां तिष्ठसि हस्तिनीव पद्वती ॥17॥ 18. इटस्य ते वि चृताम्य् अपिनद्धम् अपोर्णुवन् । वरुणेन समुब्जितां मित्रः प्रातर् व्य् उब्जतु ॥18॥ 19. ब्रह्मणा शालां निमितां कविभिर् निमितां मिताम् । इन्द्राग्नी रक्षतां शालाम् अमृतौ सोम्यं सदः ॥19॥ 20. कुलाये ऽधि कुलायं कोशे कोशः समुब्जितः । तत्र मर्तो वि जायते यस्माद् विश्वं प्रजायते ॥20॥ {7} 21. या द्विपक्षा चतुष्पक्षा षट्पक्षा या निमीयते । अष्टापक्षां दशपक्षां शालां मानस्य पत्नीम् अग्निर् गर्भ इवा शये ॥21॥ 22. प्रतीचीं त्वा प्रतीचीनः शाले प्रैम्य् अहिंसतीम् । अग्निर् ह्य् अन्तर् आपश् च ऋतस्य प्रथमा द्वाः ॥22॥ 23. इमा आपः प्र भराम्य् अयक्ष्मा यक्ष्मनाशनीः । गृहान् उप प्र सीदाम्य् अमृतेन सहाग्निना ॥23॥ 24. मा नः पाशं प्रति मुचो गुरुर् भारो लघुर् भव । वधूम् इव त्वा शाले यत्रकामं भरामसि ॥24॥ 25. प्राच्या दिशः शालाया नमो महिम्ने स्वाहा देवेभ्यः स्वाह्येभ्यः ॥25॥ 26. दक्षिणाया दिशः शालाया नमो महिम्ने स्वाहा देवेभ्यः स्वाह्येभ्यः ॥26॥ 27. प्रतीच्या दिशः शालाया नमो महिम्ने स्वाहा देवेभ्यः स्वाह्येभ्यः ॥27॥ 28. उदीच्या दिशः शालाया नमो महिम्ने स्वाहा देवेभ्यः स्वाह्येभ्यः ॥28॥ 29. ध्रुवाया दिशः शालाया नमो महिम्ने स्वाहा देवेभ्यः स्वाह्येभ्यः ॥29॥ 30. ऊर्ध्वाया दिशः शालाया नमो महिम्ने स्वाहा देवेभ्यः स्वाह्येभ्यः ॥30॥ 31. दिशोदिशः शालाया नमो महिम्ने स्वाहा देवेभ्यः स्वाह्येभ्यः ॥31॥ {8}
Transliteration
1. upamitāṃ pratimitām atho parimitām uta | śālāyā viśvavārāyā naddhāni vi cṛtāmasi ||1|| 2. yat te naddhaṃ viśvavāre pāśo granthiś ca yaḥ kṛtaḥ | bṛhaspatir ivāhaṃ balaṃ vācā vi sraṃsayāmi tat ||2|| 3. ā yayāma saṃ babarha granthīṃś cakāra te dṛḍhān | parūṃṣi vidvāṃ chastevendreṇa vi cṛtāmasi ||3|| 4. vaṃśānāṃ te nahanānāṃ prāṇāhasya tṛṇasya ca | pakṣāṇāṃ viśvavāre te naddhāni vi cṛtāmasi ||4|| 5. saṃdaṃśānāṃ paladānāṃ pariṣvañjalyasya ca | idaṃ mānasya patnyā naddhāni vi cṛtāmasi ||5|| 6. yāni te 'ntaḥ śikyāny ābedhū raṇyāya kam | pra te tāni cṛtāmasi śivā mānasya patni na uddhitā tanve bhava ||6|| 7. havirdhānam agniśālaṃ patnīnāṃ sadanaṃ sadaḥ | sado devānām asi devi śāle ||7|| 8. akṣum opaśaṃ vitataṃ sahasrākṣaṃ viṣūvati | avanaddham abhihitaṃ brahmaṇā vi cṛtāmasi ||8|| 9. yas tvā śāle pratigṛhṇāti yena cāsi mitā tvam | ubhau mānasya patni tau jīvatāṃ jaradaṣṭī ||9|| 10. amutrainam ā gachatād dṛḍhā naddhā pariṣkṛtā | yasyās te vicṛtāmasy aṅgamaṅgaṃ paruṣparuḥ ||10|| {6} 11. yas tvā śāle nimimāya saṃjabhāra vanaspatīn | prajāyai cakre tvā śāle parameṣṭhī prajāpatiḥ ||11|| 12. namas tasmai namo dātre śālāpataye ca kṛṇmaḥ | namo 'gnaye pracarate puruṣāya ca te namaḥ ||12|| 13. gobhyo aśvebhyo namo yac chālāyāṃ vijāyate | vijāvati prajāvati vi te pāśāṃś cṛtāmasi ||13|| 14. agnim antaś chādayasi puruṣān paśubhiḥ saha | vijāvati prajāvati vi te pāśāṃś cṛtāmasi ||14|| 15. antarā dyāṃ ca pṛthivīṃ ca yad vyacas tena śālāṃ prati gṛhṇāmi ta imām | yad antarikṣaṃ rajaso vimānaṃ tat kṛṇve 'ham udaraṃ śevadhibhyaḥ | tena śālāṃ prati gṛhṇāmi tasmai ||15|| 16. ūrjasvatī payasvatī pṛthivyāṃ nimitā mitā | viśvānnaṃ bibhratī śāle mā hiṃsīḥ pratigṛhṇataḥ ||16|| 17. tṛṇair āvṛtā paladān vasānā rātrīva śālā jagato niveśanī | mitā pṛthivyāṃ tiṣṭhasi hastinīva padvatī ||17|| 18. iṭasya te vi cṛtāmy apinaddham aporṇuvan | varuṇena samubjitāṃ mitraḥ prātar vy ubjatu ||18|| 19. brahmaṇā śālāṃ nimitāṃ kavibhir nimitāṃ mitām | indrāgnī rakṣatāṃ śālām amṛtau somyaṃ sadaḥ ||19|| 20. kulāye 'dhi kulāyaṃ kośe kośaḥ samubjitaḥ | tatra marto vi jāyate yasmād viśvaṃ prajāyate ||20|| {7} 21. yā dvipakṣā catuṣpakṣā ṣaṭpakṣā yā nimīyate | aṣṭāpakṣāṃ daśapakṣāṃ śālāṃ mānasya patnīm agnir garbha ivā śaye ||21|| 22. pratīcīṃ tvā pratīcīnaḥ śāle praimy ahiṃsatīm | agnir hy antar āpaś ca ṛtasya prathamā dvāḥ ||22|| 23. imā āpaḥ pra bharāmy ayakṣmā yakṣmanāśanīḥ | gṛhān upa pra sīdāmy amṛtena sahāgninā ||23|| 24. mā naḥ pāśaṃ prati muco gurur bhāro laghur bhava | vadhūm iva tvā śāle yatrakāmaṃ bharāmasi ||24|| 25. prācyā diśaḥ śālāyā namo mahimne svāhā devebhyaḥ svāhyebhyaḥ ||25|| 26. dakṣiṇāyā diśaḥ śālāyā namo mahimne svāhā devebhyaḥ svāhyebhyaḥ ||26|| 27. pratīcyā diśaḥ śālāyā namo mahimne svāhā devebhyaḥ svāhyebhyaḥ ||27|| 28. udīcyā diśaḥ śālāyā namo mahimne svāhā devebhyaḥ svāhyebhyaḥ ||28|| 29. dhruvāyā diśaḥ śālāyā namo mahimne svāhā devebhyaḥ svāhyebhyaḥ ||29|| 30. ūrdhvāyā diśaḥ śālāyā namo mahimne svāhā devebhyaḥ svāhyebhyaḥ ||30|| 31. diśodiśaḥ śālāyā namo mahimne svāhā devebhyaḥ svāhyebhyaḥ ||31|| {8}
Unaccented IAST transliteration from GRETIL's Atharvaveda-Samhita, Shaunaka recension. Devanagari is generated from that IAST text.
Atharvaveda 9.4 — Hymn 4. A glorification of the typical sacrificial bull
1. The Bull, fierce, thousandfold, filled full of vigour, bearing within his flanks all forms and natures, Brihaspati's Steer, hath stretched the thread, bestowing bliss on the worshipper, the liberal giver.
2. He who at first became the Waters' model, a match for everyone, like Earth the Goddess; The husband of the cows, the young calves' father, may be secure us thousandfold abundance.
3. Masculine, prégnant, stedfast. full of vigour, the Bull sustains a trunk of goodly treasure. May Agni Jātavedas bear him offered, on pathways traversed by the Gods, to Indra.
4. The husband of the cows, the young calves' father, father is he of mighty water-eddies. Calf, after-birth, new milk drawn hot, and biestings, curds, butter, that is his best genial humour.
5. He is the Gods' allotted share and bundle, essence of waters, and of plants, and butter. Sakra elected him, the draught of Soma. What was his body was a lofty mountain.
0. 6. A beaker filled with Soma juice thou bearest. framer of forms, begetter of the cattle. Kindly to us be these thy wombs here present, and stay for us, O Axe, those that are yonder.
7. He bears oblation, and his seed is butter. Thousand-fold plenty; sacrifice they call him. May he, the Bull, wearing the shape of Indra, come unto us, O Gods, bestowed, with blessing.
8. Both arms of Varuna, and Indra's vigour, the Maruts' hump is he, the Asvins' shoulders. They who are sages, bards endowed with wisdom, call him Brihaspati compact and heightened.
9. Thou, vigorous, reachest to the tribes of heaven. Thee they call Indra, thee they call Sarasvān. Turned to one aim, that Brāhman gives a thousand who offers up the Bull as his oblation.
10. Brihaspati, Savitar gave thee vital vigour: thy breath was brought from Tvashtar and from Vāyu. In thought I offer thee in air's mid-region. Thy sacrificial grass be Earth and Heaven!
11. Let the priest joyfully extol the limbs and members of the Bull Who moved and roared among the kine as Indra moves among the Gods.
12. The sides must be Anumati's, and both rib-pieces Bhaga's share, Of the knee-bones hath Mitra said, Both these are mine, and only mine.
13. The Ādityas claim the hinder parts, the loins must be Brihas- pati's. Vāta, the God, receives the tail: he stirs the plants and herbs therewith,
14. To Sūryā they assigned the skin, to Sinivāli inward parts. The Slaughterer hath the feet, they said, when they distributed the Bull.
15. They made a jest of kindred's curse: a jar of Soma juice was set, What time the deities, convened, assigned the Bull's divided parts.
16. They gave the hooves to tortoises, to Saramā scraps of the feet: His undigested food they gave to worms and things that creep and crawl.
17. That Bull, the husband of the kine, pierces the demons with his horns, Banishes famine with his eye, and hears good tidings with his ears.
18. With hundred sacrifices he worships: the fires consume him not: All Gods promote the Braman who offers the Bull in sacrifice.
19. He who hath given away the Bull to Brāhmans frees and cheers his soul. In his own cattle-pen he sees the growth and increase of his cows.
20. Let there be cattle, let there be bodily strength and progeny: All this may the Gods kindly grant to him who gives away the Bull.
21. Indra here verily hath rejoiced: let him bestow conspicuous wealth. May he draw forth at will from yonder side of heaven a deft cow, good to milk, whose calf is never wanting.
22. With close connexion mingle with the cows in this our cattle- pen: Mingle, the Bull's prolific flow, and, Indra! thine heroic strength!
23. Here we restore this Bull, your youthful leader: sporting with him, go, wander at your pleasure. Ne'er, wealthy ones! may he be reft of offspring; and do ye favour us with growth of riches.
Sanskrit and transliteration
Sanskrit
1. साहस्रस् त्वेष ऋषभः पयस्वान् विश्वा रूपाणि वक्षणासु बिभ्रत् । भद्रं दात्रे यजमानाय शीक्षन् बार्हस्पत्य उस्रियस् तन्तुम् आतान् ॥1॥ 2. अपां यो अग्ने प्रतिमा बभूव प्रभूः सर्वस्मै पृथिवीव देवी । पिता वत्सानां पतिर् अघ्न्यानां साहस्रे पोषे अपि नः कृणोतु ॥2॥ 3. पुमान् अन्तर्वान्त् स्थविरः पयस्वान् वसोः कबन्धं ऋषभो बिभर्ति । तम् इन्द्राय पथिभिर् देवयानैर् हुतम् अग्निर् वहतु जातवेदाः ॥3॥ 4. पिता वत्सानां पतिर् अघ्न्यानां अथो पिता महतां गर्गराणाम् । वत्सो जरायु प्रतिधुक् पीयूष आमिक्षा घृतं तद् व् अस्य रेतः ॥4॥ 5. देवानां भाग उपनाह एषो ऽपां रस ओषधीनां घृतस्य । सोमस्य भक्षम् अवृणीत शक्रो बृहन्न् अद्रिर् अभवद् यच् छरीरम् ॥5॥ 6. सोमेन पूर्णं कलशं बिभर्षि त्वस्ता रुपाणां जनिता पशूनाम् । शिवास् ते सन्तु प्रजन्व इह या इमा न्य् अस्मभ्यं स्वधिते यछ या अमूः ॥6॥ 7. आजं बिभर्ति घृतम् अस्य रेतः साहस्रः पोषस् तम् उ यज्ञम् आहुः । इन्द्रस्य रूपम् ऋषभो वसानः सो अस्मान् देवाः शिव ऐतु दत्तः ॥7॥ 8. इन्द्रस्यौजो वरुणस्य बाहू अश्विनोर् अंसौ मरुताम् इयं ककुत् । बृहस्पतिं संभृतम् एतम् आहुर् ये धीरासः कवयो ये मनीषिणः ॥8॥ 9. दैवीर् विशः पयस्वान् आ तनोषि त्वाम् इन्द्रं त्वां सरस्वन्तम् आहुः । सहस्रं स एकमुखा ददाति यो ब्राह्मण ऋषभम् आजुहोति ॥9॥ 10. बृहस्पतिः सविता ते वयो दधौ त्वष्टुर् वायोः पर्य् आत्मा त आभृतः । अन्तरिक्षे मनसा त्वा जुहोमि बर्हिष् टे द्यावापृथिवी उभे स्ताम् ॥10॥ {9} 11. य इन्द्र इव देवेषु गोष्व् एति विवावदत् । तस्य ऋषभस्याङ्गानि ब्रह्मा सं स्तौतु भद्रया ॥11॥ 12. पार्श्वे आस्ताम् अनुमत्या भगस्यास्ताम् अनूवृजौ । अष्ठीवन्ताव् अब्रवीन् मित्रो ममैतौ केवलाव् इति ॥12॥ 13. भसद् आसीद् आदित्यानां श्रोणी आस्तां बृहस्पतेः । पुछं वातस्य देवस्य तेन धूनोत्य् ओषधीः ॥13॥ 14. गुदा आसन्त् सिनीवाल्याः सूर्यायास् त्वचम् अब्रुवन् । उत्थातुर् अब्रुवन् पद ऋषभं यद् अकल्पयन् ॥14॥ 15. क्रोड आसीज् जामिशंसस्य सोमस्य क्लशो धृतः । देवाः संगत्य यत् सर्व ऋषभं व्यकल्पयन् ॥15॥ 16. ते कुष्ठिकाः सरमायै कुर्मेभ्यो अदधुः शफान् । ऊबध्यम् अस्य कीतेभ्यः श्ववर्तेभ्यो अधारयन् ॥16॥ 17. शृङ्गाभ्यां रक्ष ऋषत्य् अवर्तिम् हन्ति चक्षुषा । शृणोति भद्रं कर्णाभ्यां गवां यः पतिर् अघ्न्यः ॥17॥ 18. शतयाजं स यजते नैनं दुन्वन्त्य् अग्नयः । जिन्वन्ति विश्वे तं देवा यो ब्राह्मण ऋषभम् आजुहोति ॥18॥ 19. ब्राह्मणेभ्य ऋषभं दत्त्वा वरीयः कृणुते मनः । पुष्टिं सो अघ्न्यानां स्वे गोष्ठे ऽव पश्यते ॥19॥ 20. गावः सन्तु प्रजाः सन्त्व् अथो अस्तु तनूबलम् । तत् सर्वम् अनु मन्यन्तां देवा ऋषभदायिने ॥20॥ 21. अयं पिपान इन्द्र इद् रयिं दधातु चेतनीम् । अयं धेनुं सुदुघां नित्यवत्सां वशं दुहां विपश्चितं परो दिवः ॥21॥ 22. पिशङ्गरूपो नभसो वयोधा ऐन्द्रः शुष्मो विश्वरूपो न आगन् । आयुर् अस्मभ्यं दधत् प्रजां च रायश् च पोषैर् अभि नः सचताम् ॥22॥ 23. उपेहोपपर्चनास्मिन् गोष्ठ उप पृञ्च नः । उप ऋषभस्य यद् रेत उपेन्द्र तव वीर्यम् ॥23॥ 24. एतं वो युवानं प्रति दध्मो अत्र तेन क्रीडन्तीश् चरत वशां अनु । मा नो हासिष्ट जनुषा सुभागा रायश् च पोषैर् अभि नः सचध्वम् ॥24॥ {10}
Transliteration
1. sāhasras tveṣa ṛṣabhaḥ payasvān viśvā rūpāṇi vakṣaṇāsu bibhrat | bhadraṃ dātre yajamānāya śīkṣan bārhaspatya usriyas tantum ātān ||1|| 2. apāṃ yo agne pratimā babhūva prabhūḥ sarvasmai pṛthivīva devī | pitā vatsānāṃ patir aghnyānāṃ sāhasre poṣe api naḥ kṛṇotu ||2|| 3. pumān antarvānt sthaviraḥ payasvān vasoḥ kabandhaṃ ṛṣabho bibharti | tam indrāya pathibhir devayānair hutam agnir vahatu jātavedāḥ ||3|| 4. pitā vatsānāṃ patir aghnyānāṃ atho pitā mahatāṃ gargarāṇām | vatso jarāyu pratidhuk pīyūṣa āmikṣā ghṛtaṃ tad v asya retaḥ ||4|| 5. devānāṃ bhāga upanāha eṣo 'pāṃ rasa oṣadhīnāṃ ghṛtasya | somasya bhakṣam avṛṇīta śakro bṛhann adrir abhavad yac charīram ||5|| 6. somena pūrṇaṃ kalaśaṃ bibharṣi tvastā rupāṇāṃ janitā paśūnām | śivās te santu prajanva iha yā imā ny asmabhyaṃ svadhite yacha yā amūḥ ||6|| 7. ājaṃ bibharti ghṛtam asya retaḥ sāhasraḥ poṣas tam u yajñam āhuḥ | indrasya rūpam ṛṣabho vasānaḥ so asmān devāḥ śiva aitu dattaḥ ||7|| 8. indrasyaujo varuṇasya bāhū aśvinor aṃsau marutām iyaṃ kakut | bṛhaspatiṃ saṃbhṛtam etam āhur ye dhīrāsaḥ kavayo ye manīṣiṇaḥ ||8|| 9. daivīr viśaḥ payasvān ā tanoṣi tvām indraṃ tvāṃ sarasvantam āhuḥ | sahasraṃ sa ekamukhā dadāti yo brāhmaṇa ṛṣabham ājuhoti ||9|| 10. bṛhaspatiḥ savitā te vayo dadhau tvaṣṭur vāyoḥ pary ātmā ta ābhṛtaḥ | antarikṣe manasā tvā juhomi barhiṣ ṭe dyāvāpṛthivī ubhe stām ||10|| {9} 11. ya indra iva deveṣu goṣv eti vivāvadat | tasya ṛṣabhasyāṅgāni brahmā saṃ stautu bhadrayā ||11|| 12. pārśve āstām anumatyā bhagasyāstām anūvṛjau | aṣṭhīvantāv abravīn mitro mamaitau kevalāv iti ||12|| 13. bhasad āsīd ādityānāṃ śroṇī āstāṃ bṛhaspateḥ | puchaṃ vātasya devasya tena dhūnoty oṣadhīḥ ||13|| 14. gudā āsant sinīvālyāḥ sūryāyās tvacam abruvan | utthātur abruvan pada ṛṣabhaṃ yad akalpayan ||14|| 15. kroḍa āsīj jāmiśaṃsasya somasya klaśo dhṛtaḥ | devāḥ saṃgatya yat sarva ṛṣabhaṃ vyakalpayan ||15|| 16. te kuṣṭhikāḥ saramāyai kurmebhyo adadhuḥ śaphān | ūbadhyam asya kītebhyaḥ śvavartebhyo adhārayan ||16|| 17. śṛṅgābhyāṃ rakṣa ṛṣaty avartim hanti cakṣuṣā | śṛṇoti bhadraṃ karṇābhyāṃ gavāṃ yaḥ patir aghnyaḥ ||17|| 18. śatayājaṃ sa yajate nainaṃ dunvanty agnayaḥ | jinvanti viśve taṃ devā yo brāhmaṇa ṛṣabham ājuhoti ||18|| 19. brāhmaṇebhya ṛṣabhaṃ dattvā varīyaḥ kṛṇute manaḥ | puṣṭiṃ so aghnyānāṃ sve goṣṭhe 'va paśyate ||19|| 20. gāvaḥ santu prajāḥ santv atho astu tanūbalam | tat sarvam anu manyantāṃ devā ṛṣabhadāyine ||20|| 21. ayaṃ pipāna indra id rayiṃ dadhātu cetanīm | ayaṃ dhenuṃ sudughāṃ nityavatsāṃ vaśaṃ duhāṃ vipaścitaṃ paro divaḥ ||21|| 22. piśaṅgarūpo nabhaso vayodhā aindraḥ śuṣmo viśvarūpo na āgan | āyur asmabhyaṃ dadhat prajāṃ ca rāyaś ca poṣair abhi naḥ sacatām ||22|| 23. upehopaparcanāsmin goṣṭha upa pṛñca naḥ | upa ṛṣabhasya yad reta upendra tava vīryam ||23|| 24. etaṃ vo yuvānaṃ prati dadhmo atra tena krīḍantīś carata vaśāṃ anu | mā no hāsiṣṭa januṣā subhāgā rāyaś ca poṣair abhi naḥ sacadhvam ||24|| {10}
Unaccented IAST transliteration from GRETIL's Atharvaveda-Samhita, Shaunaka recension. Devanagari is generated from that IAST text.
Atharvaveda 9.5 — Hymn 5. A glorification of a sacrificial goat
1. Seize him and bring him hither. Let him travel. foreknowing, to the regions of the pious. Crossing in many a place the mighty darkness, let the Goat mount to the third heaven above us.
2. I bring thee hither as a share for Indra; prince, at this sacrifice,. for him who worships. Grasp firmly from behind all those who hate us: so let the sacri- ficer's men be sinless.
3. Wash from his feet all trace of evil-doing: foreknowing, with cleansed hooves let him go upward. Gazing on many a spot, crossing the darkness, let the Goat mount to the third heaven above us.
4. Cut up this skin with the grey knife, Dissector! dividing joint from joint, and mangle nothing Do him no injury: limb by limb arrange him, and send him up to the third cope of heaven.
5. With verse upon the fire I set the caldron: pour in the water; lay him down within it! Encompass him with fire, ye Immolators. Cooked, let him reach the world where dwell the righteous.
6. Hence come thou forth, vexed by no pain or torment. Mount to the third heaven from the heated vessel. As fire out of the fire hast thou arisen. Conquer and win this lucid world of splendour.
7. The Goat is Agni: light they call him, saying that living man must give him to the Brāhman. Given in this world by a devout believer, the Goat dispels and drives afar the darkness.
8. Let the Panchaudana Goat, about to visit the three lights, pass away in five divisions. Go midst the pious who have paid their worship, and parted, dwell on the third cope of heaven.
9. Rise to that world, O Goat, where dwell the righteous: pass, like
a Sarabha veiled, all difficult places. The Goat Panchaudana, given to a Brāhman, shall with all ful- ness satisfy the giver.
10. The Goat Panchaudana, given to a Brāhman, sets the bestower on the pitch of heaven, In the third vault, third sky, third ridge. One only Cow omni- form art thou, that yields all wishes.
11. That is the third light that is yours, ye Fathers. He gives the Goat Panchaudana to the Brāhman. Given in this world by the devout believer, the Goat dispels and drives afar the darkness.
12. Seeking the world of good men who have worshipped, he gives the Goat Panchaudana to the Brāhman. Win thou this world as thy complete possession. Auspicious unto us be he, accepted!
13. Truly the Goat sprang from the glow of Agni, inspired as sage with all a sage's power. Sacrifice, filled, filled full, offered with Vashat—this let the Gods arrange.at proper seasons.
14. Home-woven raiment let him give, and gold as guerdon to the priests. So he obtains completely all celestial and terrestrial worlds.
15. Near to thee, Goat! approach these streams of Soma, divine, distilling meath, bedecked with butter! Stay thou the earth and sky and fix them firmly up on the seven- rayed pitch and height of heaven.
16. Unborn art thou, O Goat: to heaven thou goest. Though thee Angirases knew that radiant region. So may I know that holy world.
17. Convey our sacrifice to heaven, that it may reach the Gods, with that Whereby thou, Agni, bearest wealth in thousands, and all pre- cious things.
18. The Goat Panchaudana, when cooked, transporteth, repelling Nirriti, to the world of Svarga. By him may we win worlds which Sūrya brightens.
19. The droppings of the Odanas attending the Goat which I have lodged with priest or people May all this know us in the world of virtue, O Agni, at the meeting of the pathways.
20. This Unborn cleft apart in the beginning: his breast became the earth, his back was heaven. His middle was the air, his sides the regions; the hollows of his belly formed both oceans.
21. His eyes were Truth and Right. The whole together was Truth: Virāj his head and Faith his breathing. This Goat Panchaudana was indeed a sacrifice unlimited.
22. A boundless sacrifice he performs, he wins himself a boundless world: Who gives the Goat Panchaudana illumined with a priestly fee.
23. Let him not break the victim's bones, let him not suck the marrow out. Let the man, taking him entire, here, even here deposit him.
24. This, even this is his true form: the man uniteth him therewith. Food, greatness, strength he bringeth him who giveth the Goat Panchaudana illumed with guerdon.
25. The five gold pieces, and the five new garments, and the five milch-kine yield him all his wishes. Who gives the Goat Panchaudana illumined with a priestly fee.
26. The five gold pieces, area light to light him, robes become armour to defend his body; He winneth Svarga as his home who giveth the Goat Panchaud- ana illumed with bountry.
27. When she who hath been wedded finds a second husband after- ward, The twain shall not be parted if they give the Goat Panchaud- ana.
28. One world with the re-wedded wife becomes the second hus- band's home. Who gives the Goat Panchaudana illumined with the priestly fee.
29. They who have given a cow who drops a calf each season, or an ox, A coverlet, a robe, or gold, go to the loftiest sphere of heaven.
30. Himself, the father and the son, the grandson, and the father's sire, Mother, wife, her who bore his babes, all the beloved ones I call.
31. The man who knows the season named the Scorching—the Goat Pafichaudana is this scorching season He lives himself, he verily burns up his hated rival's fame, Who gives the Goat Panchaudana illumined with the priestly fee.
32. The man who knows the season called the Working takes to himself the active fame, his hated rival's active fame. The Goat Panchaudana is this Working season. He lives himself, etc.
33. The man who knows the season called the Meeting takes to him- self the gathering fame, his hated rival's gathering fame. The Goat Panchaudana is this Meeting season.
34. The man who knows the called the Swelling takes to himself the swelling fame, his hated rival's swelling fame. The Goat Panchaudana is this Swelling season. He lives himself, etc.
35. The man who knows the season called the Rising takes to him- self the rising fame, his hated rival's rising fame. The Goat Panchaudana in this Rising season.
36. The man who knows the season called Surpassing takes to him- self thé conquering fame, his hated rival's conquering fame. The Goat Panchaudana is this Conquering season. He lives himself, he verily burns up his hated rival's fame Who gives the Goat Panchaudana illumined with a priestly fee.
37. He cooks the Goat and the five boiled rice messes. May the uni- ted Quarters, all accordant, and intermediate points, accept him from thee.
38. May these preserve him for thee. Here I offer t o these the molten butter as oblation.
Sanskrit and transliteration
Sanskrit
1. आ नयैतम् आ रभस्व सुकृतां लोकम् अपि गछतु प्रजानन् । तीर्त्वा तमांसि बहुधा महान्त्य् अजो नाकम् आ क्रमतां तृतीयम् ॥1॥ 2. इन्द्राय भागं परि त्वा नयाम्य् अस्मिन् यज्ञे यजमानाय सूरिम् । ये नो द्विषन्त्य् अनु तान् रभस्वानागसो यजमानस्य वीराः ॥2॥ 3. प्र पदो ऽव नेनिग्धि दुश्चरितं यच् चचार शुद्धैः शफैर् आ क्रमतां प्रजानन् । तीर्त्वा तमांसि बहुधा विपश्यन्न् अजो नाकम् आ क्रमतां तृतीयम् ॥3॥ 4. अनुछ्य श्यामेन त्वचम् एतां विशस्तर् यथापर्व् असिना माभि मंस्थाः । माभि द्रुहः परुशः कल्पयैनं तृतीये नाके अधि वि श्रयैनम् ॥4॥ 5. ऋचा कुम्भीम् अध्य् अग्नौ श्रयाम्य् आ सिञ्चोदकम् अव धेह्य् एनम् । पर्याधत्ताग्निना शमितारः शृतो गछतु सुकृतां यत्र लोकः ॥5॥ 6. उत् क्रामातः परि चेद् अतप्तस् तप्ताच् चरोर् अधि नाकं तृतीयम् । अग्नेर् अग्निर् अधि सं बभूविथ ज्योतिष्मन्तम् अभि लोकं जयैतम् ॥6॥ 7. अजो अग्निर् अजम् उ ज्योतिर् आहुर् अजं जीवता ब्रह्मणे देयम् आहुः । अजस् तमांस्य् अप हन्ति दूरम् अस्मिंल् लोके श्रद्दधानेन दत्तः ॥7॥ 8. पञ्चौदनः पञ्चधा वि क्रमताम् आक्रंस्यमानस् त्रीणि ज्योतींषि । ईजानानां सुकृतां प्रेहि मध्यं तृतीये नाके अधि वि श्रयस्व ॥8॥ 9. अजा रोह सुकृतां यत्र लोकः शरभो न चत्तो ऽति दुर्गान्य् एषः । पञ्चौदनो ब्रह्मणे दीयमानः स दातारं तृप्त्या तर्पयाति ॥9॥ 10. अजस् त्रिनाके त्रिदिवे त्रिपृष्ठे नाकस्य पृष्ठे ददिवांसं दधाति । पञ्चौदनो ब्रह्मणे दीयमानो विश्वरूपा धेनुः कामदुघास्य् एका ॥10॥ {11} 11. एतद् वो ज्योतिः पितरस् तृतीयं पञ्चौदनं ब्रह्मणे ऽजं ददाति । अजस् तमांस्य् अप हन्ति दूरम् अस्मिंल् लोके श्रद्दधानेन दत्तः ॥11॥ 12. ईजानानां सुकृतां लोकम् ईप्सन् पञ्चौदनं ब्रह्मणे ऽजं ददाति । स व्याप्तिम् अभि लोकं जयैतं शिवो ऽस्मभ्यं प्रतिगृहीतो अस्तु ॥12॥ 13. अजो ह्य् अग्नेर् अजनिष्ट शोकाद् विप्रो विप्रस्य सहसो विपश्चित् । इष्टं पूर्तम् अभिपूर्तं वषट्कृतं तद् देवा ऋतुशः कल्पयन्तु ॥13॥ 14. अमोतं वासो दद्याद् धिरण्यम् अपि दक्षिणाम् । तथा लोकान्त् सम् आप्नोति ये दिव्या ये च पार्थिवाः ॥14॥ 15. एतास् त्वाजोप यन्तु धाराः सोम्या देवीर् घृतपृष्ठा मधुश्चुतः । स्तभान् पृथिवीम् उत द्यां नाकस्य पृष्ठे ऽधि सप्तरश्मौ ॥15॥ 16. अजो ऽस्य् अज स्वर्गो ऽसि त्वया लोकम् अङ्गिरसः प्राजानन् । तं लोकं पुण्यं प्र ज्ञेषम् ॥16॥ 17. येना सहस्रं वहसि येनाग्ने सर्ववेदसम् । तेनेमं यज्ञं नो वह स्वर् देवेषु गन्तवे ॥17॥ 18. अजः पक्वः स्वर्गे लोके दधाति पञ्चौदनो निरृतिं बाधमानः । तेन लोकान्त् सूर्यवतो जयेम ॥18॥ 19. यं ब्राह्मणे निदधे यं च विक्षु या विप्रुष ओदनानाम् अजस्य । सर्वं तद् अग्ने सुकृतस्य लोके जानीतान् नः संगमने पथीनाम् ॥19॥ 20. अजो वा इदम् अग्ने व्य् अक्रमत तस्योर इयम् अभवद् द्यौः पृष्टिहम् । अन्तरिक्षं मध्यम् दिशः पार्श्वे समुद्रौ कुक्षी ॥20॥ {12} 21. सत्यं च र्तं च चक्षुषी विश्वं सत्यं श्रद्धा प्राणो विराट् शिरः । एष वा अपरिमितो यज्ञो यद् अजः पञ्चौदनः ॥21॥ 22. अपरिमितम् एव यज्ञम् आप्नोत्य् अपरिमितं लोकम् अव रुन्द्धे । यो ऽजं पञ्चौदनं दक्षिणाज्योतिषं ददाति ॥22॥ 23. नास्यास्थीनि भिन्द्यान् न मज्ज्ञो निर् धयेत् । सर्वम् एनं समादायेदमिदं प्र वेशयेत् ॥23॥ 24. इदमिदम् एवास्य रूपं भवति तेनैनं सं गमयति । इषं मह ऊर्जम् अस्मै दुहे यो ऽजं पञ्चौदनम् दक्षिणाज्योतिषं ददाति ॥24॥ 25. पञ्च रुक्मा पञ्च नवानि वस्त्रा पञ्चास्मै धेनवः कामदुघा भवन्ति । यो ऽजं पञ्चौदनं दक्षिणाज्योतिषं ददाति ॥25॥ 26. पञ्च रुक्मा ज्योतिर् अस्मै भवन्ति वर्म वासांसि तन्वे भवन्ति । स्वर्गं लोकम् अश्नुते यो ऽजं पञ्चौदनं दक्षिणाज्योतिषम् ददाति ॥26॥ 27. या पूर्वं पतिं वित्त्वा ऽथान्यं विन्दते ऽपरम् । पञ्चौदनं च ताव् अजं ददातो न वि योषतः ॥27॥ 28. समानलोको भवति पुनर्भुवापरः पतिः । यो ऽजं पञ्चौदनम् दक्षिणाज्योतिषं ददाति ॥28॥ 29. अनुपूर्ववत्सां धेनुम् अनड्वाहम् उपबर्हणम् । वासो हिरण्यं दत्त्वा ते यन्ति दिवम् उत्तमाम् ॥29॥ 30. आत्मानं पितरं पुत्रं पौत्रं पितामहम् । जायां जनित्रीं मातरं ये प्रियास् तान् उप ह्वये ॥30॥ {13} 31. यो वै नैदाघं नाम र्तुं वेद । एष वै नैदाघो नाम र्तुर् यद् अजः पञ्चौदनः । निर् एवाप्रियस्य भ्रातृव्यस्य श्रियं दहति भवत्य् आत्मना । 32. यो वै कुर्वन्तं नाम र्तुं वेद । कुर्वतींकुर्वतीम् एवाप्रियस्य भ्रातृव्यस्य श्रियं आ दत्ते । एष वै कुर्वन् नाम र्तुर् यद् अजः पञ्चौदनः । 33. यो वै संयन्तं नाम र्तुं वेद । संयतींसंयतीम् एवाप्रियस्य भ्रातृव्यस्य श्रियं आ दत्ते । एष वै संयन् नाम र्तुर् यद् अजः पञ्चौदनः । 34. यो वै पिन्वन्तं नाम र्तुम् वेद । पिन्वतींपिन्वतीम् एवाप्रियस्य भ्रातृव्यस्य श्रियं आ दत्ते । एष वै पिन्वन् नाम र्तुर् यद् अजः पञ्चौदनः । 35. यो वा उद्यन्तं नाम र्तुं वेद । उद्यतींउद्यतीम् एवाप्रियस्य भ्रातृव्यस्य श्रियं आ दत्ते । एष वा उद्यन्न् नाम र्तुर् यद् अजः पञ्चौदनः । 36. यो वा अभिभुवं नाम र्तुं वेद । अभिभवन्तीमभिभवन्तीम् एवाप्रियस्य भ्रातृव्यस्य श्रियं आ दत्ते । एष वा अभिभूर् नाम र्तुर् यद् अजः पञ्चौदनः । 37. अजं च पचत पञ्च चौदनान् । सर्वा दिशः संमनसः सध्रीचीः सान्तर्देशाः प्रति गृह्नन्तु त एतम् ॥37॥ 38. तास् ते रक्षन्तु तव तुभ्यम् एतं ताभ्य आज्यं हविर् इदं जुहोमि ॥38॥ {14}
Transliteration
1. ā nayaitam ā rabhasva sukṛtāṃ lokam api gachatu prajānan | tīrtvā tamāṃsi bahudhā mahānty ajo nākam ā kramatāṃ tṛtīyam ||1|| 2. indrāya bhāgaṃ pari tvā nayāmy asmin yajñe yajamānāya sūrim | ye no dviṣanty anu tān rabhasvānāgaso yajamānasya vīrāḥ ||2|| 3. pra pado 'va nenigdhi duścaritaṃ yac cacāra śuddhaiḥ śaphair ā kramatāṃ prajānan | tīrtvā tamāṃsi bahudhā vipaśyann ajo nākam ā kramatāṃ tṛtīyam ||3|| 4. anuchya śyāmena tvacam etāṃ viśastar yathāparv asinā mābhi maṃsthāḥ | mābhi druhaḥ paruśaḥ kalpayainaṃ tṛtīye nāke adhi vi śrayainam ||4|| 5. ṛcā kumbhīm adhy agnau śrayāmy ā siñcodakam ava dhehy enam | paryādhattāgninā śamitāraḥ śṛto gachatu sukṛtāṃ yatra lokaḥ ||5|| 6. ut krāmātaḥ pari ced ataptas taptāc caror adhi nākaṃ tṛtīyam | agner agnir adhi saṃ babhūvitha jyotiṣmantam abhi lokaṃ jayaitam ||6|| 7. ajo agnir ajam u jyotir āhur ajaṃ jīvatā brahmaṇe deyam āhuḥ | ajas tamāṃsy apa hanti dūram asmiṃl loke śraddadhānena dattaḥ ||7|| 8. pañcaudanaḥ pañcadhā vi kramatām ākraṃsyamānas trīṇi jyotīṃṣi | ījānānāṃ sukṛtāṃ prehi madhyaṃ tṛtīye nāke adhi vi śrayasva ||8|| 9. ajā roha sukṛtāṃ yatra lokaḥ śarabho na catto 'ti durgāny eṣaḥ | pañcaudano brahmaṇe dīyamānaḥ sa dātāraṃ tṛptyā tarpayāti ||9|| 10. ajas trināke tridive tripṛṣṭhe nākasya pṛṣṭhe dadivāṃsaṃ dadhāti | pañcaudano brahmaṇe dīyamāno viśvarūpā dhenuḥ kāmadughāsy ekā ||10|| {11} 11. etad vo jyotiḥ pitaras tṛtīyaṃ pañcaudanaṃ brahmaṇe 'jaṃ dadāti | ajas tamāṃsy apa hanti dūram asmiṃl loke śraddadhānena dattaḥ ||11|| 12. ījānānāṃ sukṛtāṃ lokam īpsan pañcaudanaṃ brahmaṇe 'jaṃ dadāti | sa vyāptim abhi lokaṃ jayaitaṃ śivo 'smabhyaṃ pratigṛhīto astu ||12|| 13. ajo hy agner ajaniṣṭa śokād vipro viprasya sahaso vipaścit | iṣṭaṃ pūrtam abhipūrtaṃ vaṣaṭkṛtaṃ tad devā ṛtuśaḥ kalpayantu ||13|| 14. amotaṃ vāso dadyād dhiraṇyam api dakṣiṇām | tathā lokānt sam āpnoti ye divyā ye ca pārthivāḥ ||14|| 15. etās tvājopa yantu dhārāḥ somyā devīr ghṛtapṛṣṭhā madhuścutaḥ | stabhān pṛthivīm uta dyāṃ nākasya pṛṣṭhe 'dhi saptaraśmau ||15|| 16. ajo 'sy aja svargo 'si tvayā lokam aṅgirasaḥ prājānan | taṃ lokaṃ puṇyaṃ pra jñeṣam ||16|| 17. yenā sahasraṃ vahasi yenāgne sarvavedasam | tenemaṃ yajñaṃ no vaha svar deveṣu gantave ||17|| 18. ajaḥ pakvaḥ svarge loke dadhāti pañcaudano nirṛtiṃ bādhamānaḥ | tena lokānt sūryavato jayema ||18|| 19. yaṃ brāhmaṇe nidadhe yaṃ ca vikṣu yā vipruṣa odanānām ajasya | sarvaṃ tad agne sukṛtasya loke jānītān naḥ saṃgamane pathīnām ||19|| 20. ajo vā idam agne vy akramata tasyora iyam abhavad dyauḥ pṛṣṭiham | antarikṣaṃ madhyam diśaḥ pārśve samudrau kukṣī ||20|| {12} 21. satyaṃ ca rtaṃ ca cakṣuṣī viśvaṃ satyaṃ śraddhā prāṇo virāṭ śiraḥ | eṣa vā aparimito yajño yad ajaḥ pañcaudanaḥ ||21|| 22. aparimitam eva yajñam āpnoty aparimitaṃ lokam ava runddhe | yo 'jaṃ pañcaudanaṃ dakṣiṇājyotiṣaṃ dadāti ||22|| 23. nāsyāsthīni bhindyān na majjño nir dhayet | sarvam enaṃ samādāyedamidaṃ pra veśayet ||23|| 24. idamidam evāsya rūpaṃ bhavati tenainaṃ saṃ gamayati | iṣaṃ maha ūrjam asmai duhe yo 'jaṃ pañcaudanam dakṣiṇājyotiṣaṃ dadāti ||24|| 25. pañca rukmā pañca navāni vastrā pañcāsmai dhenavaḥ kāmadughā bhavanti | yo 'jaṃ pañcaudanaṃ dakṣiṇājyotiṣaṃ dadāti ||25|| 26. pañca rukmā jyotir asmai bhavanti varma vāsāṃsi tanve bhavanti | svargaṃ lokam aśnute yo 'jaṃ pañcaudanaṃ dakṣiṇājyotiṣam dadāti ||26|| 27. yā pūrvaṃ patiṃ vittvā 'thānyaṃ vindate 'param | pañcaudanaṃ ca tāv ajaṃ dadāto na vi yoṣataḥ ||27|| 28. samānaloko bhavati punarbhuvāparaḥ patiḥ | yo 'jaṃ pañcaudanam dakṣiṇājyotiṣaṃ dadāti ||28|| 29. anupūrvavatsāṃ dhenum anaḍvāham upabarhaṇam | vāso hiraṇyaṃ dattvā te yanti divam uttamām ||29|| 30. ātmānaṃ pitaraṃ putraṃ pautraṃ pitāmaham | jāyāṃ janitrīṃ mātaraṃ ye priyās tān upa hvaye ||30|| {13} 31. yo vai naidāghaṃ nāma rtuṃ veda | eṣa vai naidāgho nāma rtur yad ajaḥ pañcaudanaḥ | nir evāpriyasya bhrātṛvyasya śriyaṃ dahati bhavaty ātmanā | 32. yo vai kurvantaṃ nāma rtuṃ veda | kurvatīṃkurvatīm evāpriyasya bhrātṛvyasya śriyaṃ ā datte | eṣa vai kurvan nāma rtur yad ajaḥ pañcaudanaḥ | 33. yo vai saṃyantaṃ nāma rtuṃ veda | saṃyatīṃsaṃyatīm evāpriyasya bhrātṛvyasya śriyaṃ ā datte | eṣa vai saṃyan nāma rtur yad ajaḥ pañcaudanaḥ | 34. yo vai pinvantaṃ nāma rtum veda | pinvatīṃpinvatīm evāpriyasya bhrātṛvyasya śriyaṃ ā datte | eṣa vai pinvan nāma rtur yad ajaḥ pañcaudanaḥ | 35. yo vā udyantaṃ nāma rtuṃ veda | udyatīṃudyatīm evāpriyasya bhrātṛvyasya śriyaṃ ā datte | eṣa vā udyann nāma rtur yad ajaḥ pañcaudanaḥ | 36. yo vā abhibhuvaṃ nāma rtuṃ veda | abhibhavantīmabhibhavantīm evāpriyasya bhrātṛvyasya śriyaṃ ā datte | eṣa vā abhibhūr nāma rtur yad ajaḥ pañcaudanaḥ | 37. ajaṃ ca pacata pañca caudanān | sarvā diśaḥ saṃmanasaḥ sadhrīcīḥ sāntardeśāḥ prati gṛhnantu ta etam ||37|| 38. tās te rakṣantu tava tubhyam etaṃ tābhya ājyaṃ havir idaṃ juhomi ||38|| {14}
Unaccented IAST transliteration from GRETIL's Atharvaveda-Samhita, Shaunaka recension. Devanagari is generated from that IAST text.
Atharvaveda 9.6 — Hymn 6. A glorification of hospitable reception of guests
1. Whoso will know Prayer with immediate knowledge, whose mem- bers are the stuff, whose spine the verses:
2. Whose hairs are psalms, whose heart is called the Yajus, whose coverlet is verily oblation—
3. Verily when a host looks at his guests he looks at the place of sacrifice to the Gods.
4. When he salutes them reverently he undergoes preparation for
a religious ceremony: when he calls for water, he solemnly brings sacrificial water.
5. The water that is solemnly brought at a sacrifice is this same water.
6. The libation which they bring; the sacrificial victim dedicated to Agni and Soma which is tied to the post, that, verily, is this man.
7. When they arrange dwelling-rooms they arrange the sacred chamber and the shed for housing the Soma cars.
8. What they spread upon the floor is just Sacrificial Grass.
9. With the couch that the men bring, he wins for himself the world of Svarga.
10. The pillow-coverings that they bring are the green sticks that surround the sacrificial altar.
11. The ointment that they bring for injunction is just clarified liquid butter.
12. The food they bring before the general distribution represents the two sacrificial cakes of rice meal.
13. When they call the man who prepares food they summon the preparer of oblation.
14. The grains of rice and barley that are selected are just filaments of the Soma plant.
15. The pestle and mortar are really the stones of the Soma press.
16. The winnowing-basket is the filter, the chaff the Soma dregs, the water, the pressing-gear.
17. Spoon, ladle, fork, stirring-prong are the wooden Soma tubs; the earthen cooking-pots are the mortar-shaped Soma vessels; this earth is just the black-antelope's skin.
18. Or the host acts in this way to a Yajamāna's Brāhman: when he looks at the furniture and utensils he says, More here t yet more here.
19. When he says, Bring out more, he lengthens his life thereby.
20. He brings oblations: he makes the men sit down.
21. As the guest of the seated company he himself offers up sacrifice.
22. With ladle, with hand, in life, at the sacrificial post, with cry of Ladle! with exclamation of Vashat!
23. Now these guests, as priests beloved or not beloved, bring one to the world of Svarga.
24. He who hath this knowledge should not eat hating, should not eat the food of one who hates him, nor of one who is doubt- ful, nor of one who is undecided.
25. This man whose food they eat hath all his wickedness blotted out.
26. All that man's sin whose food they do not eat remains unblot- ted out.
27. The man who supplies food hath always pressing stones adjusted,
a wet Soma filter, well prepared religious rites, and mental power to complete the arranged sacrifice.
28. The arranged sacrifice of the man who offers food is a sacrifice to Prajāpati.
29. The man who offers food follows the steps of Prajāpati.
30. The fire of the guests is the Āhavaniya, the fire in the dwelling is the Gārhapatya, that whereon they cook food is the South- ern Sacrificial Fire.
31. Now that man who eats before the guest eats up the sacrifice and the merit of the house.
32. He devours the milk and the sap:
33. And the vigour and prosperity.
34. And the progeny and the cattle:
35. And the fame and reputation.
36. The man who eats before the guest eats up the glory and the understanding of the house.
37. The man should not eat before the guest who is a Brāhman versed in holy lore.
38. When the guest hath eaten he should eat. This is the rule for the animation of the sacrifice and the preservation of its continuity.
39. Now the sweetest portion, the produce of the cow, milk, or flesh, that verily he should not eat.
40. The man who having this knowledge pours out milk and offers it wins for himself as much thereby as he gains by the perfor- mance of a very successful Agnishtoma sacrifice.
41. The man who having this knowledge pours out clarified butter and offers it wins for himself thereby as much as he gains by the performance of a very successful Atirātra sacrifice.
42. He who pours out mead and offers it wins for himself thereby as much as he gains by the performance of a very successful Sattrasadya sacrifice.
43. He who having this knowledge besprinkles flesh and offers it wins for himself thereby as much as he gains by the perfor- mance of a very successful Twelve-Day sacrifice.
44. The man who having this knowledge pours out water and offers it obtains a resting-place for the procreation of living beings and becomes dear to living beings, even the man who having this knowledge pours out water and offers it.
45. For him Dawn murmurs, and Savitar sings the prelude; Brihas- pati chants with vigour, and Tvashtar joins in with increase; the Visve Devāh take up conclusion. He who hath this know- ledge is the abiding-place of welfare, of progeny, and of cattle.
46. For him the rising Sun murmurs, and Early Morning sings the prelude; Noon chants the psalm, Afternoon joins in; the setting Sun takes up the conclusion. He who hath this know- ledge is the abiding place of welfare, of progeny, and of cattle.
47. For him the Rain-cloud murmurs when present, sings the pre- lude when thundering, joins in when lightening, chants the psalm when raining, and takes up the conclusion when it stays the downpour. He who hath this knowledge is the abiding- place of welfare, of progeny, and of cattle.
48. He looks at the guests, he utters a gentle sound; he speaks, he signs the prelude; he calls for water, he chants the psalm; he offers the residue of the sacrifice, he takes up the conclusion.
49. When he summons the door-keeper he gives instruction.
50. He (the door-keeper) pronounces the sacrificial formula in his answer to what he hears.
51. When the attendants with vessels in their hands, foremost and hindmost, come in, they are just the priests who manage the Soma cups.
52. Not one of them is incompetent to sacrifice.
53. Or if the host, having offered food to his guest, goes up to the house, he virtually enters the bath of purification.
54. When he distributes food he distributes priestly fees; what he performs he asks as favour.
55. He having been invited on earth, regales, invited in that, which wears all various forms on earth.
56. He, having been invited in air, regales, invited, in that which wears all various forms in air.
57. He having been invited in the sky, regales, invited, in that which wears all various forms in the sky.
58. He, having been invited among the gods, regales, invited in that which wears all various forms among the Gods.
59. He, having been invited in the worlds, regales, invited, in that which wears all various forms in the worlds.
60. He, having been invited hath been invited.
61. He gains this world and the world yonder.
62. He who hath this knowledge wins the luminous spheres.
Sanskrit and transliteration
Sanskrit
1. यो विद्याद् ब्रह्म प्रत्यक्षं परूंषि यस्य संभारा ऋचो यस्यानूक्यम् ॥1॥ 2. सामानि यस्य लोमानि यजुर् हृदयम् उच्यते परिस्तरणम् इद् धविः ॥2॥ 3. यद् वा अतिथिपतिर् अतिथीन् प्रतिपश्यति देवयजनं प्रेक्षते ॥3॥ 4. यद् अभिवदति दीक्षाम् उपैति यद् उदकं याचत्य् अपः प्र णयति ॥4॥ 5. या एव यज्ञ आपः प्रणीयन्ते ता एव ताः ॥5॥ 6. यत् तर्पणम् आहरन्ति य एवाग्नीषोमीयः पशुर् बध्यते स एव सः ॥6॥ 7. यद् आवसथान् कल्पयन्ति सदोहविर्धानान्य् एव तत् कल्पयन्ति ॥7॥ 8. यद् उपस्तृणन्ति बर्हिर् एव तत् ॥8॥ 9. यद् उपरिशयनम् आहरन्ति स्वर्गम् एव तेन लोकम् अव रुन्द्धे ॥9॥ 10. यत् कशिपूपबर्हणम् आहरन्ति परिधय एव ते ॥10॥ 11. यद् आञ्जनाभ्यञ्जनम् आहरन्त्य् आज्यम् एव तत् ॥11॥ 12. यत् पुरा परिवेषात् स्वादम् आहरन्ति पुरोदाशाव् एव तौ ॥12॥ 13. यद् अशनकृतं ह्वयन्ति हविष्कृतम् एव तद् ध्वयन्ति ॥13॥ 14. ये व्रीहयो यवा निरुप्यन्ते ऽंशव एव ते ॥14॥ 15. यान्य् उलूखलमुसलानि ग्रावाण एव ते ॥15॥ 16. शूर्पं पवित्रं तुषा ऋजीषाभिषवणीर् आपः ॥16॥ 17. स्रुग् दर्विर् नेक्षणम् आयवनं द्रोणकलशाः कुम्भ्यो वायव्यानि पात्राणीयम् एव कृष्णाजिनम् ॥17॥ {15} 18. यजमानब्राह्मणं वा एतद् अतिथिपतिः कुरुते यद् आहार्याणि प्रेक्षत इदं भूया3 इदा3म् इति ॥18॥ 19. यद् आह भूय उद् धरेति प्राणम् एव तेन वर्षीयांसं कुरुते ॥19॥ 20. उप हरति हवींष्य् आ सादयति ॥20॥ 21. तेषाम् आसन्नानाम् अतिथिर् आत्मन् जुहोति ॥21॥ 22. स्रुचा हस्तेन प्राणे यूपे स्रुक्कारेण वषट्कारेण ॥22॥ 23. एते वै प्रियाश् चाप्रियाश् च र्त्विजः स्वर्गं लोकं गमयन्ति यद् अतिथयः ॥23॥ 24. स य एवं विद्वान् न द्विषन्न् अश्नीयान् न द्विषतो ऽन्नम् अश्नीयान् न मीमांसितस्य न मीमांसमानस्य ॥24॥ 25. सर्वो वा एष जग्धपाप्मा यस्यान्नम् अश्नन्ति ॥25॥ 26. सर्वो वा एसो ऽजग्धपाप्मा यस्यान्नम् नाश्नन्ति ॥26॥ 27. सर्वदा वा एष युक्तग्रावार्द्रपवित्रो वितताध्वर आहृतयज्ञक्रतुर् य उपहरति ॥27॥ 28. प्राजापत्यो वा एतस्य यज्ञो विततो य उपहरति ॥28॥ 29. प्रजापतेर् वा एष विक्रमान् अनुविक्रमते य उपहरति ॥29॥ 30. यो ऽतिथीनां स आहवनीयो यो वेश्मनि स गार्हपत्यो यस्मिन् पचन्ति स दक्षिणाग्निः ॥30॥ {16} 31. इष्टं च वा एष पूर्तं च गृहाणाम् अश्नाति यः पूर्वो ऽतिथेर् अश्नाति ॥31॥ 32. पयश् च वा एष रसं च गृहाणाम् अश्नाति यः पूर्वो ऽतिथेर् अश्नाति ॥32॥ 33. ऊर्जां च वा एष स्फातिं च गृहाणाम् अश्नाति यः पूर्वो ऽतिथेर् अश्नाति ॥33॥ 34. प्रजां वा एष पशूंश् च गृहाणाम् अश्नाति यः पूर्वो ऽतिथेर् अश्नाति ॥34॥ 35. कीर्तिं वा एष यशश् च गृहाणाम् अश्नाति यः पूर्वो ऽतिथेर् अश्नाति ॥35॥ 36. श्रियं वा एष संविदं च गृहाणाम् अश्नाति यः पूर्वो ऽतिथेर् अश्नाति ॥36॥ 37. एष वा अतिथिर् यच् छ्रोत्रियस् तस्मात् पूर्वो नाश्नीयात् ॥37॥ 38. अशितावत्य् अतिथाव् अश्नीयाद् यज्ञस्य सात्मत्वाय यज्ञस्याविछेदाय तद् व्रतम् ॥38॥ 39. एतद् वा उ स्वादीयो यद् अधिगवं क्षीरं वा मांसं वा तद् एव नाश्नीयात् ॥39॥ {17} 40. स य एवं विद्वान् क्षीरम् उपसिच्योपहरति । यावद् अग्निष्टोमेनेष्ट्वा सुसमृद्धेनावरुन्द्धे तावद् एनेनाव रुन्द्धे ॥40॥ 41. स य एवं विद्वान्त् सर्पिर् उपसिच्योपहरति । यावद् अतिरात्रेणेष्ट्वा सुसमृद्धेनावरुन्द्धे तावद् एनेनाव रुन्द्धे ॥41॥ 42. स य एवं विद्वान् मधूपसिच्योपहरति । यावद् सत्त्रसद्येनेष्ट्वा सुसमृद्धेनावरुन्द्धे तावद् एनेनाव रुन्द्धे ॥42॥ 43. स य एवं विद्वान् मांसम् उपसिच्योपहरति । यावद् द्वादशाहेनेष्ट्वा सुसमृद्धेनावरुन्द्धे तावद् एनेनाव रुन्द्धे ॥43॥ 44. स य एवं विद्वान् उदकम् उपसिच्योपहरति । प्रजानां प्रजननाय गछति प्रतिष्ठां प्रियः प्रजानां भवति य एवं विद्वान् उपसिच्योपहरति ॥44॥ {18} 45. तस्मा उषा हिङ् कृणोति सविता प्र स्तौति । बृहस्पतिर् ऊर्जयोद् गायति त्वष्टा पुष्ट्या प्रति हरति विश्वे देवा निधनम् ॥2॥ निधनं भूत्याः प्रजायाः पशूनां भवति य एवं वेद ॥45॥ 46. तस्मा उद्यन्त् सूर्यो हिङ् कृणोति संगवः प्र स्तौति । मध्यन्दिन उद् गायत्य् अपराह्णः प्रति हरत्य् अस्तंयन् निधनम् । निधनं भूत्याः प्रजायाः पशूनां भवति य एवं वेद ॥46॥ 47. तस्मा अभ्रो भवन् हिङ् कृणोति स्तनयन् प्र स्तौति । विद्योतमानः प्रति हरति वर्षन्न् उद् गायत्य् उद्गृह्णन् निधनम् । निधनं भूत्याः प्रजायाः पशूनां भवति य एवं वेद ॥47॥ 48. अतिथीन् प्रति पश्यति हिङ् कृणोत्य् अभि वदति प्र स्तौत्य् उदकम् याचत्य् उद् गायति । उप हरति प्रति हरत्य् उच्छिष्टं निधनम् । निधनं भूत्याः प्रजायाः पशूनां भवति य एवम् वेद ॥48॥ {19} यत् क्षत्तारं ह्वयत्य् आ श्रावयत्य् एव तत् ॥49॥ 50. यत् प्रतिशृणोति प्रत्याश्रावयत्य् एव तत् ॥50॥ 51. यत् परिवेष्टारः पात्रहस्ताः पूर्वे चापरे च प्रपद्यन्ते चमसाध्वर्यव एव ते ॥51॥ 52. तेषां न कश् चनाहोता ॥52॥ 53. यद् वा अतिथिपतिर् अतिथीन् परिविष्य गृहान् उपोदैत्य् अवभृथम् एव तद् उपावैति ॥53॥ 54. यत् सभागयति दक्षिणाः सभागयति यद् अनुतिष्ठत उदवस्यत्य् एव तत् ॥54॥ 55. स उपहूतः पृथिव्यां भक्षयत्य् उपहूतस् तस्मिन् यत् पृथिव्यां विश्वरूपम् ॥55॥ 56. स उपहूतो ऽन्तरिक्षे भक्षयत्य् उपहूतस् तस्मिन् यद् दिवि विश्वरूपम् ॥56॥ 57. स उपहूतो दिवि भक्षयत्य् उपहूतस् तस्मिन् यद् दिवि विश्वरूपम् ॥57॥ 58. स उपहूतो देवेषु भक्षयत्य् उपहूतस् तस्मिन् यद् दिवि विश्वरूपम् ॥58॥ 59. स उपहूतो लोकेषु भक्षयत्य् उपहूतस् तस्मिन् यद् दिवि विश्वरूपम् ॥59॥ 60. स उपहूत उपहूतः ॥60॥ 61. आप्नोतीमं लोकम् आप्नोत्य् अमुम् ॥61॥ 62. ज्योतिष्मतो लोकान् जयति य एवं वेद ॥62॥ {20}
Transliteration
1. yo vidyād brahma pratyakṣaṃ parūṃṣi yasya saṃbhārā ṛco yasyānūkyam ||1|| 2. sāmāni yasya lomāni yajur hṛdayam ucyate paristaraṇam id dhaviḥ ||2|| 3. yad vā atithipatir atithīn pratipaśyati devayajanaṃ prekṣate ||3|| 4. yad abhivadati dīkṣām upaiti yad udakaṃ yācaty apaḥ pra ṇayati ||4|| 5. yā eva yajña āpaḥ praṇīyante tā eva tāḥ ||5|| 6. yat tarpaṇam āharanti ya evāgnīṣomīyaḥ paśur badhyate sa eva saḥ ||6|| 7. yad āvasathān kalpayanti sadohavirdhānāny eva tat kalpayanti ||7|| 8. yad upastṛṇanti barhir eva tat ||8|| 9. yad upariśayanam āharanti svargam eva tena lokam ava runddhe ||9|| 10. yat kaśipūpabarhaṇam āharanti paridhaya eva te ||10|| 11. yad āñjanābhyañjanam āharanty ājyam eva tat ||11|| 12. yat purā pariveṣāt svādam āharanti purodāśāv eva tau ||12|| 13. yad aśanakṛtaṃ hvayanti haviṣkṛtam eva tad dhvayanti ||13|| 14. ye vrīhayo yavā nirupyante 'ṃśava eva te ||14|| 15. yāny ulūkhalamusalāni grāvāṇa eva te ||15|| 16. śūrpaṃ pavitraṃ tuṣā ṛjīṣābhiṣavaṇīr āpaḥ ||16|| 17. srug darvir nekṣaṇam āyavanaṃ droṇakalaśāḥ kumbhyo vāyavyāni pātrāṇīyam eva kṛṣṇājinam ||17|| {15} 18. yajamānabrāhmaṇaṃ vā etad atithipatiḥ kurute yad āhāryāṇi prekṣata idaṃ bhūyā3 idā3m iti ||18|| 19. yad āha bhūya ud dhareti prāṇam eva tena varṣīyāṃsaṃ kurute ||19|| 20. upa harati havīṃṣy ā sādayati ||20|| 21. teṣām āsannānām atithir ātman juhoti ||21|| 22. srucā hastena prāṇe yūpe srukkāreṇa vaṣaṭkāreṇa ||22|| 23. ete vai priyāś cāpriyāś ca rtvijaḥ svargaṃ lokaṃ gamayanti yad atithayaḥ ||23|| 24. sa ya evaṃ vidvān na dviṣann aśnīyān na dviṣato 'nnam aśnīyān na mīmāṃsitasya na mīmāṃsamānasya ||24|| 25. sarvo vā eṣa jagdhapāpmā yasyānnam aśnanti ||25|| 26. sarvo vā eso 'jagdhapāpmā yasyānnam nāśnanti ||26|| 27. sarvadā vā eṣa yuktagrāvārdrapavitro vitatādhvara āhṛtayajñakratur ya upaharati ||27|| 28. prājāpatyo vā etasya yajño vitato ya upaharati ||28|| 29. prajāpater vā eṣa vikramān anuvikramate ya upaharati ||29|| 30. yo 'tithīnāṃ sa āhavanīyo yo veśmani sa gārhapatyo yasmin pacanti sa dakṣiṇāgniḥ ||30|| {16} 31. iṣṭaṃ ca vā eṣa pūrtaṃ ca gṛhāṇām aśnāti yaḥ pūrvo 'tither aśnāti ||31|| 32. payaś ca vā eṣa rasaṃ ca gṛhāṇām aśnāti yaḥ pūrvo 'tither aśnāti ||32|| 33. ūrjāṃ ca vā eṣa sphātiṃ ca gṛhāṇām aśnāti yaḥ pūrvo 'tither aśnāti ||33|| 34. prajāṃ vā eṣa paśūṃś ca gṛhāṇām aśnāti yaḥ pūrvo 'tither aśnāti ||34|| 35. kīrtiṃ vā eṣa yaśaś ca gṛhāṇām aśnāti yaḥ pūrvo 'tither aśnāti ||35|| 36. śriyaṃ vā eṣa saṃvidaṃ ca gṛhāṇām aśnāti yaḥ pūrvo 'tither aśnāti ||36|| 37. eṣa vā atithir yac chrotriyas tasmāt pūrvo nāśnīyāt ||37|| 38. aśitāvaty atithāv aśnīyād yajñasya sātmatvāya yajñasyāvichedāya tad vratam ||38|| 39. etad vā u svādīyo yad adhigavaṃ kṣīraṃ vā māṃsaṃ vā tad eva nāśnīyāt ||39|| {17} 40. sa ya evaṃ vidvān kṣīram upasicyopaharati | yāvad agniṣṭomeneṣṭvā susamṛddhenāvarunddhe tāvad enenāva runddhe ||40|| 41. sa ya evaṃ vidvānt sarpir upasicyopaharati | yāvad atirātreṇeṣṭvā susamṛddhenāvarunddhe tāvad enenāva runddhe ||41|| 42. sa ya evaṃ vidvān madhūpasicyopaharati | yāvad sattrasadyeneṣṭvā susamṛddhenāvarunddhe tāvad enenāva runddhe ||42|| 43. sa ya evaṃ vidvān māṃsam upasicyopaharati | yāvad dvādaśāheneṣṭvā susamṛddhenāvarunddhe tāvad enenāva runddhe ||43|| 44. sa ya evaṃ vidvān udakam upasicyopaharati | prajānāṃ prajananāya gachati pratiṣṭhāṃ priyaḥ prajānāṃ bhavati ya evaṃ vidvān upasicyopaharati ||44|| {18} 45. tasmā uṣā hiṅ kṛṇoti savitā pra stauti | bṛhaspatir ūrjayod gāyati tvaṣṭā puṣṭyā prati harati viśve devā nidhanam ||2|| nidhanaṃ bhūtyāḥ prajāyāḥ paśūnāṃ bhavati ya evaṃ veda ||45|| 46. tasmā udyant sūryo hiṅ kṛṇoti saṃgavaḥ pra stauti | madhyandina ud gāyaty aparāhṇaḥ prati haraty astaṃyan nidhanam | nidhanaṃ bhūtyāḥ prajāyāḥ paśūnāṃ bhavati ya evaṃ veda ||46|| 47. tasmā abhro bhavan hiṅ kṛṇoti stanayan pra stauti | vidyotamānaḥ prati harati varṣann ud gāyaty udgṛhṇan nidhanam | nidhanaṃ bhūtyāḥ prajāyāḥ paśūnāṃ bhavati ya evaṃ veda ||47|| 48. atithīn prati paśyati hiṅ kṛṇoty abhi vadati pra stauty udakam yācaty ud gāyati | upa harati prati haraty ucchiṣṭaṃ nidhanam | nidhanaṃ bhūtyāḥ prajāyāḥ paśūnāṃ bhavati ya evam veda ||48|| {19} yat kṣattāraṃ hvayaty ā śrāvayaty eva tat ||49|| 50. yat pratiśṛṇoti pratyāśrāvayaty eva tat ||50|| 51. yat pariveṣṭāraḥ pātrahastāḥ pūrve cāpare ca prapadyante camasādhvaryava eva te ||51|| 52. teṣāṃ na kaś canāhotā ||52|| 53. yad vā atithipatir atithīn pariviṣya gṛhān upodaity avabhṛtham eva tad upāvaiti ||53|| 54. yat sabhāgayati dakṣiṇāḥ sabhāgayati yad anutiṣṭhata udavasyaty eva tat ||54|| 55. sa upahūtaḥ pṛthivyāṃ bhakṣayaty upahūtas tasmin yat pṛthivyāṃ viśvarūpam ||55|| 56. sa upahūto 'ntarikṣe bhakṣayaty upahūtas tasmin yad divi viśvarūpam ||56|| 57. sa upahūto divi bhakṣayaty upahūtas tasmin yad divi viśvarūpam ||57|| 58. sa upahūto deveṣu bhakṣayaty upahūtas tasmin yad divi viśvarūpam ||58|| 59. sa upahūto lokeṣu bhakṣayaty upahūtas tasmin yad divi viśvarūpam ||59|| 60. sa upahūta upahūtaḥ ||60|| 61. āpnotīmaṃ lokam āpnoty amum ||61|| 62. jyotiṣmato lokān jayati ya evaṃ veda ||62|| {20}
Unaccented IAST transliteration from GRETIL's Atharvaveda-Samhita, Shaunaka recension. Devanagari is generated from that IAST text.
Atharvaveda 9.7 — Hymn 7. A glorification of the typically bull and cow
1. Prajapati and Parameshthin are the two horns, Indra is the head, Agni the forehead, Yama the joint of the neck.
2. King Soma is the brain, Sky is the upper jaw, Earth is the lower jaw.
3. Lightning is the tongue, the Maruts are the teeth, Revati is the neck, the Krittikās are the shoulders, the Gharma s the shoulder-bar.
4. His universe is Vāyu, Svarga is his world, Krishpadram is the tendons and Vertebrae.
5. The Syena ceremony is the breast, Air is the region of the belly,. Brihaspati is the hump, Brihatī the breast-bone and cartilages of the ribs.
6. The consorts of the Gods are the ribs, the attendants are ribs.
7. Mitra and Varuna are the shoulder-blades. Tvashtar and Arya- man the fore-arms, Mahādeva is the arms.
8. Indrāni is the hinder parts, Vāyu the tail, Pavamāna the hair.
9. Priestly rank and princely power are the hips, and strength is. the thigh.
10. Dhātar and Savitar are the two knee-bones, the Gandharvas are the legs the Apsarases are bits of the feet, Aditi is the hooves.
11. Thought is the heart, intelligence is the liver, law the pericar- dium.
12. Hunger is the belly, refreshing drink is the rectum, mountains. are the inward parts.
13. Wrath is the kidneys, anger the testes, offspring the generative organ.
14. The river is the womb, the Lords of the Rain are the breasts,. the thunder is the udder.
15. The All-embracing (Aditi) is the hide, the herbs are her hair,. and the Lunar Mansions her form.
16. The hosts of Gods are her entrails, man are her bowels, and demons her abdomen.
17. Rākshasas are the blood, the Other Folk are the contents of the Stomach.
18. The rain-cloud is her fat, her resting-place her marrow.
19. Sitting he is Agni, when he hath stood up he is the Asvins.
20. Standing east-wards he is Indra, standing southwards, Yama.
21. Standing westwards he is Dhātar, standing northwards Savitar.
22. When he hath got his grass he is King Soma.
23. He is Mitra when he looks about him, and when he hath turned round he is joy.
24. When he is yoking he belongs to the All-Gods, when yoked he is Prajāpati, when unyoked he is All.
25. This verily is omniform, wearing all forms, bovine-formed.
26. Upon him wait omniform beasts, wearing every shape, each one who hath this knowledge.
Sanskrit and transliteration
Sanskrit
1. प्रजापतिश् च परमेष्ठी च शृङ्गे इन्द्रः शिरो अग्निर् ललाटं यमः कृकाटम् ॥1॥ 2. सोमो राजा मस्तिष्को द्यौर् उत्तरहनुः पृथिव्य् अधरहनुः ॥2॥ 3. विद्युज् जिह्वा मरुतो दन्ता रेवतिर् ग्रीवाः कृत्तिका स्कन्धा घर्मो वहः ॥3॥ 4. विश्वं वायुः स्वर्गो लोकः कृष्णद्रं विधरणी निवेष्यः ॥4॥ 5. श्येनः क्रोतो ऽन्तरिक्षं पाजस्यं बृहस्पतिः ककुद् बृहतीः कीकसाः ॥5॥ 6. देवानां पत्नीः पृष्टय उपसदः पर्शवः ॥6॥ 7. मित्रश् च वरुणश् चांसौ त्वष्टा चार्यमा च दोषणी महादेवो बाहू ॥7॥ 8. इन्द्राणी भसद् वायुः पुछं पवमानो बालाः ॥8॥ 9. ब्रह्म च क्षत्रं च श्रोणी बलम् ऊरू ॥9॥ 10. धाता च सविता चाष्ठीवन्तौ जङ्घा गन्धर्वा अप्सरसः कुष्ठिका अदितिः शफाः ॥10॥ 11. चेतो हृदयं यकृन् मेधा व्रतं पुरीतत् ॥11॥ 12. क्षुत् कुक्षिर् इरा वनिष्ठुः पर्वताः प्लाशयः ॥12॥ 13. क्रोधो वृक्कौ मन्युर् आण्डौ प्रजा शेपः ॥13॥ 14. नदी सूत्री वर्षस्य पतय स्तना स्तनयित्नुर् ऊधः ॥14॥ 15. विश्वव्यचास् चर्मौषधयो लोमानि नक्षत्राणि रूपम् ॥15॥ 16. देवजना गुदा मनुष्या आन्त्राण्य् अत्रा उदरम् ॥16॥ 17. रक्षांसि लोहितम् इतरजना ऊबध्यम् ॥17॥ 18. अभ्रं पीबो मज्जा निधनम् ॥18॥ 19. अग्निर् आसीन उत्थितो ऽश्विना ॥19॥ 20. इन्द्रः प्राङ् तिष्ठन् दक्षिणा तिष्ठन् यमः ॥20॥ 21. प्रत्यङ् तिष्ठन् धातोदङ् तिष्ठन्त् सविता ॥21॥ 22. तृणानि प्राप्तः सोमो राजा ॥22॥ 23. मित्र ईक्षमाण आवृत्त आनन्दः ॥23॥ 24. युज्यमानो वैश्वदेवो युक्तः प्रजापतिर् विमुक्तः सर्वम् ॥24॥ 25. एतद् वै विश्वरूपं सर्वरूपं गोरूपम् ॥25॥ 26. उपैनं विश्वरूपाः सर्वरूपाः पशवस् तिष्ठन्ति य एवं वेद ॥26॥ {21}
Transliteration
1. prajāpatiś ca parameṣṭhī ca śṛṅge indraḥ śiro agnir lalāṭaṃ yamaḥ kṛkāṭam ||1|| 2. somo rājā mastiṣko dyaur uttarahanuḥ pṛthivy adharahanuḥ ||2|| 3. vidyuj jihvā maruto dantā revatir grīvāḥ kṛttikā skandhā gharmo vahaḥ ||3|| 4. viśvaṃ vāyuḥ svargo lokaḥ kṛṣṇadraṃ vidharaṇī niveṣyaḥ ||4|| 5. śyenaḥ kroto 'ntarikṣaṃ pājasyaṃ bṛhaspatiḥ kakud bṛhatīḥ kīkasāḥ ||5|| 6. devānāṃ patnīḥ pṛṣṭaya upasadaḥ parśavaḥ ||6|| 7. mitraś ca varuṇaś cāṃsau tvaṣṭā cāryamā ca doṣaṇī mahādevo bāhū ||7|| 8. indrāṇī bhasad vāyuḥ puchaṃ pavamāno bālāḥ ||8|| 9. brahma ca kṣatraṃ ca śroṇī balam ūrū ||9|| 10. dhātā ca savitā cāṣṭhīvantau jaṅghā gandharvā apsarasaḥ kuṣṭhikā aditiḥ śaphāḥ ||10|| 11. ceto hṛdayaṃ yakṛn medhā vrataṃ purītat ||11|| 12. kṣut kukṣir irā vaniṣṭhuḥ parvatāḥ plāśayaḥ ||12|| 13. krodho vṛkkau manyur āṇḍau prajā śepaḥ ||13|| 14. nadī sūtrī varṣasya pataya stanā stanayitnur ūdhaḥ ||14|| 15. viśvavyacās carmauṣadhayo lomāni nakṣatrāṇi rūpam ||15|| 16. devajanā gudā manuṣyā āntrāṇy atrā udaram ||16|| 17. rakṣāṃsi lohitam itarajanā ūbadhyam ||17|| 18. abhraṃ pībo majjā nidhanam ||18|| 19. agnir āsīna utthito 'śvinā ||19|| 20. indraḥ prāṅ tiṣṭhan dakṣiṇā tiṣṭhan yamaḥ ||20|| 21. pratyaṅ tiṣṭhan dhātodaṅ tiṣṭhant savitā ||21|| 22. tṛṇāni prāptaḥ somo rājā ||22|| 23. mitra īkṣamāṇa āvṛtta ānandaḥ ||23|| 24. yujyamāno vaiśvadevo yuktaḥ prajāpatir vimuktaḥ sarvam ||24|| 25. etad vai viśvarūpaṃ sarvarūpaṃ gorūpam ||25|| 26. upainaṃ viśvarūpāḥ sarvarūpāḥ paśavas tiṣṭhanti ya evaṃ veda ||26|| {21}
Unaccented IAST transliteration from GRETIL's Atharvaveda-Samhita, Shaunaka recension. Devanagari is generated from that IAST text.
Atharvaveda 9.8 — Hymn 8. A charm for the cure of various diseases connected with Consumption
1. Each pain and ache that racks the head, earache, and erysipelas,. All malady that wrings thy brow we charm away with this our spell.
2. From both thine ears, from parts thereof, thine earache, and the throbbing pain, All malady that wrings thy brow we charm away with this our spell.
3. So that Consumption may depart forth from thine ears and from. thy mouth, All malady that wrings thy brow we charm away with this our spell.
4. The malady that makes one deaf, the malady that makes one blind, All malady that wrings thy brow we charm away with this our spell.
5. The throbbing pain in all thy limbs that rends thy frame with fever-throes, All malady that wrings thy brow we charm away with this our spell.
6. The malady whose awful look makes a man quiver with alarm, Fever whom every Autumn brings we charm away with this our spell.
7. Disease that creeps about the thighs and, after, reaches both the groins, Consumption from thine inward parts we charm away with this our spell.
8. If the disease originates from love, from hatred, from the heart, Forth from the heart and from the limbs we charm the wasting malady.
9. The yellow Jaundice from thy limbs, and Colic from the parts within, And Phthisis from thine inward soul we charm away with this our spell.
10. Let wasting malady turn to dust, become the water of disease. I have evoked the poison-taint of all Consumptions out of thee.
11. Forth from the hollow let it run, and rumbling sounds from thine inside. I have evoked the poison-taint of all Consumptions out of thee.
12. Forth from thy belly and thy lungs, forth from thy navel and thy heart. I have evoked the poison taint of all Consumptions out of thee.
13. The penetrating stabs of pain which rend asunder crown and head, Let them depart and pass away, free from disease and harming not.
14. The pangs that stab the heart and reach the breast-bone and connected parts, Let them depart and pass away, free from disease and harming not.
15. The stabs that penetrate the sides and pierce their way along the ribs, Let them depart and pass away, free from disease and harming not.
16. The penetrating pangs that pierce thy stomach as they shoot across, Let them depart and pass away, free from disease and harming not.
17. The pains that through the bowels creep, disordering the inward parts, Let them depart and pass away, free from disease and harming not.
18. The pains that suck the marrow out, and rend and tear the bones apart, May they speed forth and pass away, free from disease and harming not.
19. Consumptions with their Colic pains which make thy limbs insensible I have evoked the poison-taint of all Consumptions out of thee.
20. Of piercing pain, of abscesses, rheumatic ache, ophthalmia— I have evoked the poison-taint of all Consumptions out of thee.
21. I have dispelled the piercing pains from feet, knees, hips, and hinder parts, And spine, and from the neck and nape the malady that racked the head.
22. Sound are the skull-bones of thy head and thy heart's beat is regular. Thou, Sun, arising with thy beams hast chased away the head's disease, hast stilled the pain that racked the limbs.
Sanskrit and transliteration
Sanskrit
1. शीर्षक्तिं शीर्षामयं कर्णशूलं विलोहितम् । सर्वं शीर्षन्यं ते रोगं बहिर् निर् मन्त्रयामहे ॥1॥ 2. कर्णाभ्यां ते कङ्कूषेभ्यः कर्णशूलं विसल्पकम् । सर्वं शीर्षन्यं ते रोगं बहिर् निर् मन्त्रयामहे ॥2॥ 3. यस्य हेतोः प्रच्यवते यक्ष्मः कर्णतो आस्यतः । सर्वं शीर्षन्यं ते रोगं बहिर् निर् मन्त्रयामहे ॥3॥ 4. यः कृणोति प्रमोतम् अन्धं कृणोति पूरुषम् । सर्वं शीर्षन्यं ते रोगं बहिर् निर् मन्त्रयामहे ॥4॥ 5. अङ्गभेदम् अङ्गज्वरम् विश्वाङ्ग्यं विसल्पकम् । सर्वं शीर्षन्यं ते रोगं बहिर् निर् मन्त्रयामहे ॥5॥ 6. यस्य भीमः प्रतीकाश उद्वेपयति पूरुषम् । तक्मानं विश्वशारदं बहिर् निर् मन्त्रयामहे ॥6॥ 7. य ऊरू अनुसर्पत्य् अथो एति गवीनिके । यक्ष्मं ते अन्तर् अङ्गेभ्यो बहिर् निर् मन्त्रयामहे ॥7॥ 8. यदि कामाद् अपकामाद् धृदयाज् जायते परि । हृदो बलासम् अङ्गेभ्यो बहिर् निर् मन्त्रयामहे ॥8॥ 9. हरिमाणं ते अङ्गेभ्यो ऽप्वाम् अन्तरोदरात् । यक्ष्मोधाम् अन्तर् आत्मनो बहिर् निर् मन्त्रयामहे ॥9॥ 10. आसो बलासो भवतु मूत्रं भवत्व् आमयत् । यक्ष्माणां सर्वेषां विषं निर् अवोचम् अहं त्वत् ॥10॥ {22} 11. बहिर् बिलं निर् द्रवतु काहाबाहं तवोदरात् । यक्ष्माणां सर्वेषां विषं निर् अवोचम् अहं त्वत् ॥11॥ 12. उदरात् ते क्लोम्नो नाभ्या हृदयाद् अधि । यक्ष्माणां सर्वेषां विषं निर् अवोचम् अहं त्वत् ॥12॥ 13. याः सीमानं विरुजन्ति मूर्धानं प्रत्य् अर्षनीः । अहिंसन्तीर् अनामया निर् द्रवन्तु बहिर् बिलम् ॥13॥ 14. या हृदयम् उपर्षन्त्य् अनुतन्वन्ति कीकसाः । अहिंसन्तीर् अनामया निर् द्रवन्तु बहिर् बिलम् ॥14॥ 15. याः पार्श्वे उपर्षन्त्य् अनुनिक्षन्ति पृष्टीः । अहिंसन्तीर् अनामया निर् द्रवन्तु बहिर् बिलम् ॥15॥ 16. यास् तिरश्चीः उपर्षन्त्य् अर्षणीर् वक्षणासु ते । अहिंसन्तीर् अनामया निर् द्रवन्तु बहिर् बिलम् ॥16॥ 17. या गुदा अनुसर्पन्त्य् आन्त्राणि मोहयन्ति च । अहिंसन्तीर् अनामया निर् द्रवन्तु बहिर् बिलम् ॥17॥ 18. या मज्ज्ञो निर्धयन्ति परूंषि विरुजन्ति च । अहिंसन्तीर् अनामया निर् द्रवन्तु बहिर् बिलम् ॥18॥ 19. ये अङ्गानि मदयन्ति यक्ष्मासो रोपणास् तव । यक्ष्माणां सर्वेषां विषं निर् अवोचम् अहं त्वत् ॥19॥ 20. विसल्पस्य विद्रधस्य वातीकारस्य वालजेः । यक्ष्माणां सर्वेषां विषं निर् अवोचम् अहं त्वत् ॥20॥ 21. पादाभ्यां ते जानुभ्यां श्रोणिभ्यां परि भंससः । अनूकाद् अर्षणीर् उष्णिहाभ्यः शीर्ष्णो रोगम् अनीनशम् ॥21॥ 22. सं ते शीर्ष्णः कपालानि हृदयस्य च यो विधुः । उद्यन्न् आदित्य रश्मिभिः शीर्ष्णो रोगम् अनीनशो ऽङ्गभेदम् अशीशमः ॥22॥ {23}
Transliteration
1. śīrṣaktiṃ śīrṣāmayaṃ karṇaśūlaṃ vilohitam | sarvaṃ śīrṣanyaṃ te rogaṃ bahir nir mantrayāmahe ||1|| 2. karṇābhyāṃ te kaṅkūṣebhyaḥ karṇaśūlaṃ visalpakam | sarvaṃ śīrṣanyaṃ te rogaṃ bahir nir mantrayāmahe ||2|| 3. yasya hetoḥ pracyavate yakṣmaḥ karṇato āsyataḥ | sarvaṃ śīrṣanyaṃ te rogaṃ bahir nir mantrayāmahe ||3|| 4. yaḥ kṛṇoti pramotam andhaṃ kṛṇoti pūruṣam | sarvaṃ śīrṣanyaṃ te rogaṃ bahir nir mantrayāmahe ||4|| 5. aṅgabhedam aṅgajvaram viśvāṅgyaṃ visalpakam | sarvaṃ śīrṣanyaṃ te rogaṃ bahir nir mantrayāmahe ||5|| 6. yasya bhīmaḥ pratīkāśa udvepayati pūruṣam | takmānaṃ viśvaśāradaṃ bahir nir mantrayāmahe ||6|| 7. ya ūrū anusarpaty atho eti gavīnike | yakṣmaṃ te antar aṅgebhyo bahir nir mantrayāmahe ||7|| 8. yadi kāmād apakāmād dhṛdayāj jāyate pari | hṛdo balāsam aṅgebhyo bahir nir mantrayāmahe ||8|| 9. harimāṇaṃ te aṅgebhyo 'pvām antarodarāt | yakṣmodhām antar ātmano bahir nir mantrayāmahe ||9|| 10. āso balāso bhavatu mūtraṃ bhavatv āmayat | yakṣmāṇāṃ sarveṣāṃ viṣaṃ nir avocam ahaṃ tvat ||10|| {22} 11. bahir bilaṃ nir dravatu kāhābāhaṃ tavodarāt | yakṣmāṇāṃ sarveṣāṃ viṣaṃ nir avocam ahaṃ tvat ||11|| 12. udarāt te klomno nābhyā hṛdayād adhi | yakṣmāṇāṃ sarveṣāṃ viṣaṃ nir avocam ahaṃ tvat ||12|| 13. yāḥ sīmānaṃ virujanti mūrdhānaṃ praty arṣanīḥ | ahiṃsantīr anāmayā nir dravantu bahir bilam ||13|| 14. yā hṛdayam uparṣanty anutanvanti kīkasāḥ | ahiṃsantīr anāmayā nir dravantu bahir bilam ||14|| 15. yāḥ pārśve uparṣanty anunikṣanti pṛṣṭīḥ | ahiṃsantīr anāmayā nir dravantu bahir bilam ||15|| 16. yās tiraścīḥ uparṣanty arṣaṇīr vakṣaṇāsu te | ahiṃsantīr anāmayā nir dravantu bahir bilam ||16|| 17. yā gudā anusarpanty āntrāṇi mohayanti ca | ahiṃsantīr anāmayā nir dravantu bahir bilam ||17|| 18. yā majjño nirdhayanti parūṃṣi virujanti ca | ahiṃsantīr anāmayā nir dravantu bahir bilam ||18|| 19. ye aṅgāni madayanti yakṣmāso ropaṇās tava | yakṣmāṇāṃ sarveṣāṃ viṣaṃ nir avocam ahaṃ tvat ||19|| 20. visalpasya vidradhasya vātīkārasya vālajeḥ | yakṣmāṇāṃ sarveṣāṃ viṣaṃ nir avocam ahaṃ tvat ||20|| 21. pādābhyāṃ te jānubhyāṃ śroṇibhyāṃ pari bhaṃsasaḥ | anūkād arṣaṇīr uṣṇihābhyaḥ śīrṣṇo rogam anīnaśam ||21|| 22. saṃ te śīrṣṇaḥ kapālāni hṛdayasya ca yo vidhuḥ | udyann āditya raśmibhiḥ śīrṣṇo rogam anīnaśo 'ṅgabhedam aśīśamaḥ ||22|| {23}
Unaccented IAST transliteration from GRETIL's Atharvaveda-Samhita, Shaunaka recension. Devanagari is generated from that IAST text.
Atharvaveda 9.9 — Hymn 9. Enunciation of mystico-theological and cosmological doctrine
1. The second brother of this lovely Hotar, hoary with eld, is the voracious Lightning. The third is he whose back is balmed with butter. Here have I seen the King with seven male children.
2. The seven make the one-wheeled chariot ready: bearing seven names the single Courser draws it. The wheel, three-naved, is sound and undecaying: thereon these worlds of life are all dependent.
3. The seven who on this seven-wheeled car are mounted have horses, seven in tale, who draw them onward. Seven sisters utter songs of praise together, in whom the Cows' seven names are held and treasured.
4. Who hath beheld at birth the Primal Being, when She who hath no bone supports the bony? Where is the blood of earth, the life, the spirit? Who may ap- proach the man who knows, to ask it?
5. Let him who knoweth presently declare it, this lovely Bird's securely-founded station. Forth from his head the Cows draw milk, and wearing his ves- ture with their foot have drunk the water.
6. Unripe in mind, in spirit undiscerning, I ask of these the Gods' established places. High up above the yearling Calf the sages, to form a web, their own seven threads have woven.
7. Here, ignorant, I ask the wise who know it, as one who knows not, for the sake of knowledge, What is That One, who in the Unborn's image hath stablished and fixed firm this world's six regions.
8. The Mother gave the Sire his share of Order. With thought at first she wedded him in spirit. She, coyly loth, was filled with dew prolific. With adoration men approached to praise her.
9. Yoked was the Mother to the boon Cow's car-pole; in humid folds of cloud the infant rested. Then the Calf lowed and looked upon the Mother, the Cow who wears all shapes in three directions.
10. Bearing three mothers and three fathers, single he stood erect: they never made him weary. On yonder heaven's high ridge they speak together in speech not known to all, themselves all-knowing.
11. Upon the five-spoked wheel revolving ever, whereon all crea- tures rest and are dependent, The axle, heavy-laden, is not heated: the nave from ancient time remains unheated.
12. They call him in the farther half of heaven the Sire five-footed, of twelve forms, wealthy in watery store. These others, later still, say that he takes his stand upon a seven- wheeled car, six-spoked, whose sight is clear.
13. Formed with twelve spokes, too strong for age to weaken, this wheel of during Order rolls round heaven. Herein established, joined in pairs together, seven hundred sons and twenty stand, O Agni.
14. The wheel revolves, unwasting, with its felly: ten draw it, yoked to the far-stretching car-pole. Girt by the region moves the eye of Sūrya, on whom dependent rest all living creatures.
15. They told me these were males, though truly females. He who hath eyes sees this, the blind discerns not. The son who is a sage hath comprehended: who knows this rightly is his father's father.
16. Of the co-born they call the seventh single-born: the six twin, pairs are called the Rishis, sons of Gods. Their good gifts sought of men are ranged in order due, and, various, form by form, move for their guiding Lord.
17. Beneath the upper realm, above this lower, bearing her Calf at foot, the Cow hath risen. Whitherward, to what place hath she departed? Where doth she calve? Not in this herd of cattle.
18. Who, that the father of this Calf discerneth beneath the upper realm, above the lower, Showing himself a sage, may here declare him? Whence hath the godlike spirit had its rising?
19. Those that come hitherward they call departing, those that depart they call directed hither. Whatever ye have made, Indra and Soma! steeds draw, as' twere, yoked to the region's car-pole.
20. Two Birds with fair wings, knit with bonds of friendship, in the same sheltering tree have found a refuge, One of the twain eats the sweet Fig-tree's berry: the other, eat- ing not, regardeth only.
21. The tree whereon the fine Birds eat the sweetness, where they all rest and procreate their offspring Upon the top, they say the fruit is luscious: none gaineth it who knoweth not the Father.
22. Where the fine birds hymn ceaselessly their portion of life eter- nal, and the sacred synods. There is the Universe's Guard and Keeper who, wise hath entered into me the simple.
Sanskrit and transliteration
Sanskrit
1. अस्य वामस्य पलितस्य होतुस् तस्य भ्राता मध्यमो अस्त्य् अश्नः । तृतीयो भ्राता घृतपृष्ठो अस्यात्रापश्यं विश्पतिं सप्तपुत्रम् ॥1॥ 2. सप्त युञ्जन्ति रथम् एकचक्रम् एको अश्वो वहति सप्तनामा । त्रिनाभि चक्रम् अजरम् अनर्वं यत्रेमा विश्वा भुवनाधि तस्थुः ॥2॥ 3. इमं रथम् अधि ये सप्त तस्थुः सप्तचक्रं सप्त वहन्त्य् अश्वाः । सप्त स्वसारो अभि सं नवन्त यत्र गवाम् निहिता सप्त नाम ॥3॥ 4. को ददर्श प्रथमं जायमानम् अस्थन्वन्तं यद् अनस्था बिभर्ति । भूम्या असुर् असृग् आत्मा क्व स्वित् को विद्वांसम् उप गात् प्रष्टुम् एतत् ॥4॥ 5. इह ब्रवीतु य ईम् अङ्ग वेदास्य वामस्य निहितं पदं वेः । शीर्ष्णः क्षीरं दुह्रते गावो अस्य वव्रिं वसाना उदकं पदा ऽपुः ॥5॥ 6. पाकः पृछामि मनसा ऽविजानन् देवानाम् एना निहिता पदानि । वत्से बष्कये ऽधि सप्त तन्तून् वि तत्निरे कवय ओतवा उ ॥6॥ 7. अचिकित्वांस् चिकितुषश् चिद् अत्र कवीन् पृछामि विद्वनो न विद्वान् । वि यस् तस्तम्भ षट् इमा रजांस्य् अजस्य रूपे किं अपि स्विद् एकम् ॥7॥ 8. माता पितरम् ऋत आ बभाज ऽधीत्य् अग्रे मनसा सं हि जग्मे । सा बीभत्सुर् गर्भरसा निविद्धा नमस्वन्त इद् उपवाकम् ईयुः ॥8॥ 9. युक्ता मातासिद् धुरि दक्षिणाया अतिष्ठद् गर्भो वृजनीष्व् अन्तः । अमीमेद् वत्सो अनु गाम् अपश्यद् विश्वरूप्यं त्रिषु योगनेषु ॥9॥ 10. तिस्रो मतॄस् त्रीन् पितॄन् बिभ्रद् एक उर्ध्वस् तस्थौ नेम् अव ग्लापयन्त । मन्त्रयन्ते दिवो अमुष्य पृष्ठे विश्वविदो वाचम् अविश्वविन्नाम् ॥10॥ {24} 11. पञ्चारे चक्रे परिवर्तमाने यस्मिन्न् आतस्थुर् भुवनानि विश्वा । तस्य नाक्षस् तप्यते भूरिभारः सनाद् एव न छिद्यते सनाभिः ॥11॥ 12. पञ्चपादं पितरं द्वादशाकृतिं दिव आहुः परे अर्धे पुरीषिणम् । अथेमे अन्य उपरे विचक्षणे सप्तचक्रे षडर आहुर् अर्पितम् ॥12॥ 13. द्वादशारं नहि तज् जराय वर्वर्ति चक्रं परि द्याम् ऋतस्य । आ पुत्रा अग्ने मिथुनासो अत्र सप्त शतानि विंशतिश् च तस्थुः ॥13॥ 14. सनेमि चक्रम् अजरं वि ववृत उत्तानायां दश युक्ता वहन्ति । सूर्यस्य चक्षू रजसैत्य् आवृतं यस्मिन्न् आतस्थुर् भुवनानि विश्वा ॥14॥ 15. स्त्रियः सतीस् ताम् उ मे पुंसः आहुः पश्यद् अक्षण्वान्न् वि चेतद् अन्धः । कविर् यः पुत्रः स ईम् आ चिकेत यस् ता विजानात् स पितुष् पितासत् ॥15॥ 16. साकंजानां सप्तथम् आहुर् एकजं षड् इद् यमा ऋषयो देवजा इति । तेषाम् इष्टानि विहितानि धामश स्थात्रे रेजन्ते विकृतानि रूपशः ॥16॥ 17. अवः परेण पर एना अवरेण पदा वत्सं बिभ्रती गौर् उद् अस्थात् । सा कद्रीची कं स्विद् अर्धं परागात् क्व स्वित् सूते नहि यूथे अस्मिन् ॥17॥ 18. अवः परेण पितरं यो अस्य वेदावः परेण पर एनावरेण । कवीयमानः क इह प्र वोचद् देवं मनः कुतो अधि प्रजातम् ॥18॥ 19. ये अर्वाञ्चस् ताम् उ पराच आहुर् ये पराञ्चस् तां उ अर्वाच आहुः । इन्द्रश् च या चक्रथुः सोम तानि धुरा न युक्ता रजसो वहन्ति ॥19॥ 20. द्वा सुपर्णा सयुजा सखाया समानं वृक्षं परि षस्वजाते । तयोर् अन्यः पिप्पलं स्वाद्व् अत्त्य् अनश्नन्न् अन्यो अभि चाकशीति ॥20॥ 21. यस्मिन् वृक्षे मध्वदः सुपर्णा निविशन्ते सुवते चाधि विश्वे । तस्य यद् आहुः पिप्पलं स्वाद्व् अग्रे तन् नोन् नशद् यः पितरं न वेद ॥21॥ 22. यत्रा सुपर्णा अमृतस्य भक्षम् अनिमेषं विदथाभिस्वरन्ति । एना विश्वस्य भुवनस्य गोपाः स मा धीरः पाकम् अत्रा विवेश ॥22॥ {25}
Transliteration
1. asya vāmasya palitasya hotus tasya bhrātā madhyamo asty aśnaḥ | tṛtīyo bhrātā ghṛtapṛṣṭho asyātrāpaśyaṃ viśpatiṃ saptaputram ||1|| 2. sapta yuñjanti ratham ekacakram eko aśvo vahati saptanāmā | trinābhi cakram ajaram anarvaṃ yatremā viśvā bhuvanādhi tasthuḥ ||2|| 3. imaṃ ratham adhi ye sapta tasthuḥ saptacakraṃ sapta vahanty aśvāḥ | sapta svasāro abhi saṃ navanta yatra gavām nihitā sapta nāma ||3|| 4. ko dadarśa prathamaṃ jāyamānam asthanvantaṃ yad anasthā bibharti | bhūmyā asur asṛg ātmā kva svit ko vidvāṃsam upa gāt praṣṭum etat ||4|| 5. iha bravītu ya īm aṅga vedāsya vāmasya nihitaṃ padaṃ veḥ | śīrṣṇaḥ kṣīraṃ duhrate gāvo asya vavriṃ vasānā udakaṃ padā 'puḥ ||5|| 6. pākaḥ pṛchāmi manasā 'vijānan devānām enā nihitā padāni | vatse baṣkaye 'dhi sapta tantūn vi tatnire kavaya otavā u ||6|| 7. acikitvāṃs cikituṣaś cid atra kavīn pṛchāmi vidvano na vidvān | vi yas tastambha ṣaṭ imā rajāṃsy ajasya rūpe kiṃ api svid ekam ||7|| 8. mātā pitaram ṛta ā babhāja 'dhīty agre manasā saṃ hi jagme | sā bībhatsur garbharasā nividdhā namasvanta id upavākam īyuḥ ||8|| 9. yuktā mātāsid dhuri dakṣiṇāyā atiṣṭhad garbho vṛjanīṣv antaḥ | amīmed vatso anu gām apaśyad viśvarūpyaṃ triṣu yoganeṣu ||9|| 10. tisro matṝs trīn pitṝn bibhrad eka urdhvas tasthau nem ava glāpayanta | mantrayante divo amuṣya pṛṣṭhe viśvavido vācam aviśvavinnām ||10|| {24} 11. pañcāre cakre parivartamāne yasminn ātasthur bhuvanāni viśvā | tasya nākṣas tapyate bhūribhāraḥ sanād eva na chidyate sanābhiḥ ||11|| 12. pañcapādaṃ pitaraṃ dvādaśākṛtiṃ diva āhuḥ pare ardhe purīṣiṇam | atheme anya upare vicakṣaṇe saptacakre ṣaḍara āhur arpitam ||12|| 13. dvādaśāraṃ nahi taj jarāya varvarti cakraṃ pari dyām ṛtasya | ā putrā agne mithunāso atra sapta śatāni viṃśatiś ca tasthuḥ ||13|| 14. sanemi cakram ajaraṃ vi vavṛta uttānāyāṃ daśa yuktā vahanti | sūryasya cakṣū rajasaity āvṛtaṃ yasminn ātasthur bhuvanāni viśvā ||14|| 15. striyaḥ satīs tām u me puṃsaḥ āhuḥ paśyad akṣaṇvānn vi cetad andhaḥ | kavir yaḥ putraḥ sa īm ā ciketa yas tā vijānāt sa pituṣ pitāsat ||15|| 16. sākaṃjānāṃ saptatham āhur ekajaṃ ṣaḍ id yamā ṛṣayo devajā iti | teṣām iṣṭāni vihitāni dhāmaśa sthātre rejante vikṛtāni rūpaśaḥ ||16|| 17. avaḥ pareṇa para enā avareṇa padā vatsaṃ bibhratī gaur ud asthāt | sā kadrīcī kaṃ svid ardhaṃ parāgāt kva svit sūte nahi yūthe asmin ||17|| 18. avaḥ pareṇa pitaraṃ yo asya vedāvaḥ pareṇa para enāvareṇa | kavīyamānaḥ ka iha pra vocad devaṃ manaḥ kuto adhi prajātam ||18|| 19. ye arvāñcas tām u parāca āhur ye parāñcas tāṃ u arvāca āhuḥ | indraś ca yā cakrathuḥ soma tāni dhurā na yuktā rajaso vahanti ||19|| 20. dvā suparṇā sayujā sakhāyā samānaṃ vṛkṣaṃ pari ṣasvajāte | tayor anyaḥ pippalaṃ svādv atty anaśnann anyo abhi cākaśīti ||20|| 21. yasmin vṛkṣe madhvadaḥ suparṇā niviśante suvate cādhi viśve | tasya yad āhuḥ pippalaṃ svādv agre tan non naśad yaḥ pitaraṃ na veda ||21|| 22. yatrā suparṇā amṛtasya bhakṣam animeṣaṃ vidathābhisvaranti | enā viśvasya bhuvanasya gopāḥ sa mā dhīraḥ pākam atrā viveśa ||22|| {25}
Unaccented IAST transliteration from GRETIL's Atharvaveda-Samhita, Shaunaka recension. Devanagari is generated from that IAST text.
Atharvaveda 9.10 — Hymn 10. Continuation of Hymn 9
1. How on the Gāyatri the Gāyatri was based; how from the Trishtup they fashioned the Trishtup forth: How on the Jagatī was based the Jagatī—they who know this have won themselves immortal life.
2. With Gāyatri he measures out the praise-song, Sāman with praise-song, triplet with the Trishtup, The triplet with the two or four-foot measure, and with the syllable they form seven metres.
3. With Jagatī the flood in heaven he stablished, and saw the Sun in the Rathantara Sāman. Gāyatri hath, they say, three logs for burning: hence it excels in majesty and vigour.
4. I invocate this Milch-cow good at milking, so that the Milker, deft of hand, may milk her. May "Savitar give goodliest stimulation. The caldron is made hot: he will proclaim it.
5. She, Lady of all treasures, hath come hither, yearning in spirit for her calf, and lowing. May this Cow yield her milk for both the Asvins, and may she prosper to our high advantage.
6. The Cow hath lowed after her blinking youngling: she licks his forehead as she lows, to form it. His mouth she fondly calls to her warm udder, and suckles him with milk while gently lowing.
7. He also snorts, by whom encompassed round the Cow lows as she closely clings to him who sheds the rain. She with her shrilling cries hath humbled mortal men, and turn- ed to lightning, hath stripped off her covering robe.
8. That which hath breath and life and speed and motion lies firmly stablished in the midst of houses. The living moves by powers of the departed: the immortal is the brother of the mortal.
9. The old hath waked the young Moon from his slumber, who runs his circling course with many round him. Behold the God's high wisdom in its greatness: he who died yesterday to-day is living.
10. He who hath made him doth not comprehend him: from him who saw him surely he is hidden. He, yet enveloped in his mother's bosom, source of much life, hath sunk into destruction.
11. I saw the Herdsman, him who never stumbles, approaching by his pathways and departing. He clothed with gathered and diffusive splendours, within the worlds continually travels.
12. Dyaus is our father, our begetter: kinship is here. This great Earth is our kin and mother. Between the wide-spread world-halves is the birth-place. The Father laid the Daughter's germ within it.
13. I bid thee tell me earth's extremest limit, about the Stallion's genial flow I ask thee; I ask about the universe's centre, and touching highest heaven where Speech abideth.
14. The earth's most distant limit is this altar: this Soma is the Stallion's genial humour; This sacrifice the universe's centre: this Brāhman highest heaven where Speech abideth.
15. What thing I truly am I know not clearly: mysterious, fettered in my mind I wander. When the first-born of holy Law approached me, then of this Speech I first obtain a portion.
16. Back, forward goes he, grasped by power inherent, immortal born the brother of the mortal. Ceaseless they move in opposite directions: men mark the one and fail to mark the other.
17. Seven germs unripened yet are Heaven's prolific seed: their functions they maintain by Vishnu's ordinance. Endued with wisdom through intelligence and thought, present on every side they compass us about.
18. Upon what syllable of holy praise-hymn, as 'twere their highest heaven, the Gods repose them Who knows not this, what will he do with praise-hymn? But they who know it well sit here assembled.
19. They, ordering the verse's foot by measure, with the half-verse arranged each thing that moveth. Prayer was diffused in many forms three-footed thereby the world's four regions have their being
20. Fortunate mayst thou be with goodly pasture, and may we also be exceeding wealthy. Feed on the grass, O Cow, through all the seasons, and coming hitherward drink limpid water.
21. Forming the water-floods the Cow herself hath lowed, one-foot- ed or two-footed or four-footed, she, Who hath become eight-footed or acquired nine feet, the uni- verse's thousand-syllabled Pankti. From her descend in streams the seas of water.
22. Dark the descent: the birds are golden-coloured. Robed in the floods they fly aloft to heaven. Again from Order's seat have they descended, and inundated all the earth with fatness.
23. The footless Maid precedeth footed creatures. Who marketh, Mitra Varuna! this your doing? The Babe unborn supporteth this world's burthen, supporteth Right and watcheth Wrong and Falsehood.
24. Virāj is Speech, and Earth, and Air's mid-region. He is Praja- pati, and he is Mrityu. He is the Lord Imperial of the Sādhyas. He rules what is and what shall be hereafter. May he make me lord of what is and shall be.
25. 1 saw from far away the smoke of fuel with spires that rose on high o'er that beneath it. The heroes cooked and dressed the spotted bullock. These were the customs in the days aforetime.
26. Three with long tresses show in ordered season. One of them sheareth when the year is ended. One with his powers the universe regardeth. Of one the sweep is seen, but not the figure.
27. Speech hath been measured out in four divisions: the Brāhmans who have wisdom comprehend them. Three, kept in close concealment, cause no motion. Of Speech men speak the fourth division only.
28. They call him Indra, Mitra, Varuna, Agni; and he is heavenly nobly-winged Garutmān. That which is One bards call by many a title: they call It Agni, Yama, Mātariswan.
Sanskrit and transliteration
Sanskrit
1. यद् गायत्रे अधि गायत्रम् आहितं त्रैष्टुभं वा त्रैष्टुभान् निरतक्षत । यद् वा जगज् जगत्य् आहितं पदं य इत् तद् विदुस् ते अमृतत्वम् आनुशुः ॥1॥ 2. गायत्रेण प्रति मिमीते अर्कम् अर्केण साम त्रैष्टुभेन वाकम् । वाकेन वाकं द्विपदा चतुष्पदाक्षरेण मिमते सप्त वाणीः ॥2॥ 3. जगता सिन्धुं दिव्य् अस्कभायद् रथंतरे सूर्यं पर्य् अपश्यत् । गायत्रस्य समिधस् तिस्र आहुस् ततो मह्ना प्र रिरिचे महित्वा ॥3॥ 4. उप ह्वये सुदुघां धेनुम् एतां सुहस्तो गोधुग् उत दोहद् एनाम् । श्रेष्ठं सवं सविता साविषन् नो ऽभीद्धो घर्मस् तद् उ षु प्र वोचत् ॥4॥ 5. हिङ्कृण्वती वसुपत्नी वसूनां वत्सम् इछन्ती मनसाभ्यागात् । दुहाम् अश्विभ्यां पयो अघ्न्येयं सा वर्धतां महते सौभगाय ॥5॥ 6. गौर् अमीमेद् अभि वत्सं मिषन्तं मूर्धानं हिङ्ङ् अकृणोन् मातवा उ । सृक्वाणं घर्मम् अभि वावशाना मिमाति मायुं पयते पयोभिः ॥6॥ 7. अयं स शिङ्क्ते येन गौर् अभिवृता मिमाति मयुं ध्वसनाव् अधि श्रिता । सा चित्तिभिर् नि हि चकार मर्त्यान् विद्युद् भवन्ती प्रति वव्रिम् औहत ॥7॥ 8. अनच् छये तुरगातु जीवम् एजद् ध्रुवं मध्य आ पस्त्यानाम् । जीवो मृतस्य चरति स्वधाभिर् अमर्त्यो मर्त्येना सयोनिः ॥8॥ 9. विधुं दद्राणं सलिलस्य पृष्ठे युवानं सन्तं पलितो जगार । देवस्य पश्य काव्यं महित्वाद्य ममार स ह्यः सम् आन ॥9॥ 10. य ईं चकार न सो अस्य वेद य ईं ददर्श हिरुग् इन् नु तस्मात् । स मातुर् योना परिवीतो अन्तर् बहुप्रजा निरृतिर् आ विवेश ॥10॥ {26} 11. अपश्यं गोपाम् अनिपद्यमानम् आ च परा च पथिभिश् चरन्तम् । स सध्रीचीः स विषूचीर् वसान आ वरीवर्ति भुवनेष्व् अन्तः ॥11॥ 12. द्यौर् नः पिता जनिता नाभिर् अत्र बन्धुर् नो माता पृथिवी महीयम् । उत्तानयोश् चम्वोर् योनिर् अन्तर् अत्रा पिता दुहितुर् गर्भम् आधात् ॥12॥ 13. पृछामि त्वा परम् अन्तं पृथिव्याः पृछामि वृष्णो अश्वस्य रेतः । पृछामि विश्वस्य भुवनस्य नाभिं पृछामि वाचः परमं व्योम ॥13॥ 14. इयं वेदिः परो अन्तः पृथिव्या अयं सोमो वृष्णो अश्वस्य रेतः । अयं यज्ञो विश्वस्य भुवनस्य नाभिर् ब्रह्मायं वाचः परमं व्योम ॥14॥ 15. न वि जानामि यद् इवेदम् अस्मि निण्यः संनद्धो मनसा चरामि । यदा मागन् प्रथमजा ऋतस्याद् इद् वाचो अश्नुवे भागम् अस्याः ॥15॥ 16. अपाङ् प्राङ् एति स्वधया गृभीतो ऽमर्त्यो मर्त्येना सयोनिः । ता शश्वन्ता विषूचीना वियन्ता न्य् अन्यं चिक्युर् न नि चिक्युर् अन्यम् ॥16॥ 17. सप्तार्धगर्भा भुवनस्य रेतो विष्णोस् तिष्ठन्ति प्रदिशा विधर्मणि । ते धीतिभिर् मनसा ते विपश्चितः परिभुवः परि भवन्ति विश्वतः ॥17॥ 18. ऋचो अक्षरे परमे व्योमन् यस्मिन् देवा अधि विश्वे निषेदुः । यस् तन् न वेद किम् ऋचा करिष्यति य इत् तद् विदुस् ते अमी सम् आसते ॥18॥ 19. ऋचः पदं मात्रया कल्पयन्तो ऽर्धर्चेन चकॢपुर् विश्वम् एजत् । त्रिपाद् ब्रह्म पुरुरूपं वि तष्ठे तेन जीवन्ति प्रदिशश् चतस्रः ॥19॥ 20. सूयवसाद् भगवती हि भूया अधा वयं भगवन्तः स्याम । अद्धि तृणम् अघ्न्ये विश्वदानीं पिब शुद्धम् उदकम् आचरन्ती ॥20॥ {27} 21. गौर् इन् मिमाय सलिलानि तक्षती एकपदी द्विपदी सा चतुष्पदी । अष्टापदी नवपदी बभूवुषी सहस्राक्षरा भुवनस्य पङ्क्तिस् तस्याः समुद्रा अधि वि क्षरन्ति ॥21॥ 22. कृष्णं नियानं हरयः सुपर्णा अपो वसाना दिवम् उत् पतन्ति । तं आववृत्रन्त् सदनाद् ऋतस्याद् इद् घृतेन पृथिवीं व्य् ऊदुः ॥22॥ 23. अपाद् एति प्रथमा पद्वतीनां कस् तद् वां मित्रावरुणा चिकेत । गर्भो भारं भरत्य् आ चिद् अस्या ऋतं पिपर्ति अनृतं नि पाति ॥23॥ 24. विराड् वाग् विराट् पृथिवी विराड् अन्तरिक्षं विराट् प्रजापतिः । विराण् मृत्युः साध्यानाम् अधिराजो बभूव तस्य भूतं भव्यं वशे स मे भूतं भव्यं वशे कृणोतु ॥24॥ 25. शकमयं धूमम् आराद् अपश्यं विषूवता पर एनावरेण । उक्षाणं पृश्निम् अपचन्त वीरास् तानि धर्माणि प्रथमान्य् आसन् ॥25॥ 26. त्रयः केशिन ऋतुथा वि चक्षते संवत्सरे वपत एक एषाम् । विश्वम् अन्यो अभिचष्टे शचीभिर् ध्राजिर् एकस्य ददृशे न रूपम् ॥26॥ 27. चत्वारि वाक् परिमिता पदानि तानि विदुर् ब्राह्मणा ये मनीषिणः । गुहा त्रीणि निहिता नेङ्गयन्ति तुरीयं वाचो मनुष्या वदन्ति ॥27॥ 28. इन्द्रं मित्रं वरुणम् अग्निम् आहुर् अथो दिव्यः स सुपर्णो गरुत्मान् । एकं सद् विप्रा बहुधा वदन्त्य् अग्निं यमं मातरिश्वानम् आहुः ॥28॥ {28}
Transliteration
1. yad gāyatre adhi gāyatram āhitaṃ traiṣṭubhaṃ vā traiṣṭubhān niratakṣata | yad vā jagaj jagaty āhitaṃ padaṃ ya it tad vidus te amṛtatvam ānuśuḥ ||1|| 2. gāyatreṇa prati mimīte arkam arkeṇa sāma traiṣṭubhena vākam | vākena vākaṃ dvipadā catuṣpadākṣareṇa mimate sapta vāṇīḥ ||2|| 3. jagatā sindhuṃ divy askabhāyad rathaṃtare sūryaṃ pary apaśyat | gāyatrasya samidhas tisra āhus tato mahnā pra ririce mahitvā ||3|| 4. upa hvaye sudughāṃ dhenum etāṃ suhasto godhug uta dohad enām | śreṣṭhaṃ savaṃ savitā sāviṣan no 'bhīddho gharmas tad u ṣu pra vocat ||4|| 5. hiṅkṛṇvatī vasupatnī vasūnāṃ vatsam ichantī manasābhyāgāt | duhām aśvibhyāṃ payo aghnyeyaṃ sā vardhatāṃ mahate saubhagāya ||5|| 6. gaur amīmed abhi vatsaṃ miṣantaṃ mūrdhānaṃ hiṅṅ akṛṇon mātavā u | sṛkvāṇaṃ gharmam abhi vāvaśānā mimāti māyuṃ payate payobhiḥ ||6|| 7. ayaṃ sa śiṅkte yena gaur abhivṛtā mimāti mayuṃ dhvasanāv adhi śritā | sā cittibhir ni hi cakāra martyān vidyud bhavantī prati vavrim auhata ||7|| 8. anac chaye turagātu jīvam ejad dhruvaṃ madhya ā pastyānām | jīvo mṛtasya carati svadhābhir amartyo martyenā sayoniḥ ||8|| 9. vidhuṃ dadrāṇaṃ salilasya pṛṣṭhe yuvānaṃ santaṃ palito jagāra | devasya paśya kāvyaṃ mahitvādya mamāra sa hyaḥ sam āna ||9|| 10. ya īṃ cakāra na so asya veda ya īṃ dadarśa hirug in nu tasmāt | sa mātur yonā parivīto antar bahuprajā nirṛtir ā viveśa ||10|| {26} 11. apaśyaṃ gopām anipadyamānam ā ca parā ca pathibhiś carantam | sa sadhrīcīḥ sa viṣūcīr vasāna ā varīvarti bhuvaneṣv antaḥ ||11|| 12. dyaur naḥ pitā janitā nābhir atra bandhur no mātā pṛthivī mahīyam | uttānayoś camvor yonir antar atrā pitā duhitur garbham ādhāt ||12|| 13. pṛchāmi tvā param antaṃ pṛthivyāḥ pṛchāmi vṛṣṇo aśvasya retaḥ | pṛchāmi viśvasya bhuvanasya nābhiṃ pṛchāmi vācaḥ paramaṃ vyoma ||13|| 14. iyaṃ vediḥ paro antaḥ pṛthivyā ayaṃ somo vṛṣṇo aśvasya retaḥ | ayaṃ yajño viśvasya bhuvanasya nābhir brahmāyaṃ vācaḥ paramaṃ vyoma ||14|| 15. na vi jānāmi yad ivedam asmi niṇyaḥ saṃnaddho manasā carāmi | yadā māgan prathamajā ṛtasyād id vāco aśnuve bhāgam asyāḥ ||15|| 16. apāṅ prāṅ eti svadhayā gṛbhīto 'martyo martyenā sayoniḥ | tā śaśvantā viṣūcīnā viyantā ny anyaṃ cikyur na ni cikyur anyam ||16|| 17. saptārdhagarbhā bhuvanasya reto viṣṇos tiṣṭhanti pradiśā vidharmaṇi | te dhītibhir manasā te vipaścitaḥ paribhuvaḥ pari bhavanti viśvataḥ ||17|| 18. ṛco akṣare parame vyoman yasmin devā adhi viśve niṣeduḥ | yas tan na veda kim ṛcā kariṣyati ya it tad vidus te amī sam āsate ||18|| 19. ṛcaḥ padaṃ mātrayā kalpayanto 'rdharcena cakḷpur viśvam ejat | tripād brahma pururūpaṃ vi taṣṭhe tena jīvanti pradiśaś catasraḥ ||19|| 20. sūyavasād bhagavatī hi bhūyā adhā vayaṃ bhagavantaḥ syāma | addhi tṛṇam aghnye viśvadānīṃ piba śuddham udakam ācarantī ||20|| {27} 21. gaur in mimāya salilāni takṣatī ekapadī dvipadī sā catuṣpadī | aṣṭāpadī navapadī babhūvuṣī sahasrākṣarā bhuvanasya paṅktis tasyāḥ samudrā adhi vi kṣaranti ||21|| 22. kṛṣṇaṃ niyānaṃ harayaḥ suparṇā apo vasānā divam ut patanti | taṃ āvavṛtrant sadanād ṛtasyād id ghṛtena pṛthivīṃ vy ūduḥ ||22|| 23. apād eti prathamā padvatīnāṃ kas tad vāṃ mitrāvaruṇā ciketa | garbho bhāraṃ bharaty ā cid asyā ṛtaṃ piparti anṛtaṃ ni pāti ||23|| 24. virāḍ vāg virāṭ pṛthivī virāḍ antarikṣaṃ virāṭ prajāpatiḥ | virāṇ mṛtyuḥ sādhyānām adhirājo babhūva tasya bhūtaṃ bhavyaṃ vaśe sa me bhūtaṃ bhavyaṃ vaśe kṛṇotu ||24|| 25. śakamayaṃ dhūmam ārād apaśyaṃ viṣūvatā para enāvareṇa | ukṣāṇaṃ pṛśnim apacanta vīrās tāni dharmāṇi prathamāny āsan ||25|| 26. trayaḥ keśina ṛtuthā vi cakṣate saṃvatsare vapata eka eṣām | viśvam anyo abhicaṣṭe śacībhir dhrājir ekasya dadṛśe na rūpam ||26|| 27. catvāri vāk parimitā padāni tāni vidur brāhmaṇā ye manīṣiṇaḥ | guhā trīṇi nihitā neṅgayanti turīyaṃ vāco manuṣyā vadanti ||27|| 28. indraṃ mitraṃ varuṇam agnim āhur atho divyaḥ sa suparṇo garutmān | ekaṃ sad viprā bahudhā vadanty agniṃ yamaṃ mātariśvānam āhuḥ ||28|| {28}
Unaccented IAST transliteration from GRETIL's Atharvaveda-Samhita, Shaunaka recension. Devanagari is generated from that IAST text.